ஓய்வு பெறும் நாள்..

விவேக் நடித்த படத்தில் ஒரு காமெடி வரும். பெரிய மாலையுடன் பெரியவர் இருப்பார். அம்மாவிடம், ”என்னம்மா அப்பா போயிட்டாரா?” என்று மப்பில் கேட்பார். ”இல்லெடா… அப்பா ரிட்டையர் ஆயிட்டார்” என்பதாய் பதில் கிடைக்கும். ”அப்பாடா இனிமேலாவது ஒரு இளைஞனுக்கு வேலை கிடைக்கும்” என்று தொடர்ந்து, ”இனிமெ வேலைக்கே போக வேண்டியதில்லை. அப்பொ எதுக்கு கடிகாரம்?” என்று அதையும் பிடிங்கிக் கொள்வது தான் அந்தக் காமெடியின் ஹைலைட்.

இன்றைய காலகட்டத்தில் ஒருவன் ஒரே கம்பெனியில் ஐந்து வருஷத்துக்கு மேல் இருந்தால் அவன் அப்டேட் ஆகாதவன் என்ற கெட்ட பெயர் தான் கிடைக்கும். திறமைகளை வளர்த்துக் கொள்ளவில்லை என்ற குற்றச்சாட்டும் வரும். யார் அடிக்கடி கம்பெனி மாற்றுகிறார்களோ, அவர்கள் தான் இன்றைய சூழலில் கொடிகட்டிப் பறக்கும் சூரப் புலிகள்.

ஆனால் அரசுத் துறைகளில் அப்படி இல்லை. 30 வருடத்துக்கும் மேலாய் மாங்கு மாங்கு என்று (உண்மையிலேயே அதன் அரத்தம் தான் என்ன?) உழைத்து ஓய்வு பெறும் ஆட்களும் உண்டு. கடைசி நாளன்று ஒரு சின்ன விழா எடுப்பர். விடைபெற்றுச் செல்லும் நாளன்று அவரை நல்லவர் வல்லவர் என்று புகழ்வது ஒரு சபை நாகரீகம். ஓய்வு பெறும் நபர் எப்போது ஒழிவார் என்று காத்திருக்கும் ஆசாமிகளும் இருக்கத்தான் செய்வார்கள். எல்லாம் கலந்த கலவை தானே மக்கள் என்பது.

சமீபத்தில் அப்பேற்பட்ட விழாவில் நானும் இருந்தேன். ஒருவரை பேச அழைத்தனர். மேடையும் மைக்கும் கிடைச்சாலும் கிடெச்சது என்று இந்திய கலாச்சாரம் தொடங்கி வின் வெளி ஆய்வு வரை சென்று நன்றாக எல்லாரும் உழைக்க வேண்டும் என்பதாய் முடித்தார். எனக்கோ சின்ன கலக்கம் ஏதாவது தப்பான மீட்டிங் வந்து விட்டோமா என்று. அடுத்து ஒருவர் வந்தார். ஏதோ பட்டிமன்றம் போசும் போது முதலில் பேசியவரை வெட்டியோ ஒட்டியோ பேச வேண்டிய கட்டாயத்தில் இருப்பவராய் இருப்பவர் போல் அவரும் பேசிவிட்டுச் சென்றார். விடை பெற்றுச் செல்ல இருப்பவர் பேந்தப் பேந்த முழித்த்து தான் வேதனையாய் இருந்தது பாக்க.

இப்படிப்பட்ட கூட்ட்த்தில் நச்சுன்னு ரெண்டு வார்த்தை, விடை பெறும் நபர் பத்தி சின்னதா ஒரு குட்டிக் கதையோடு சொல்வதால் என் பேச்சு எடுபட்டு விடுகிறது. (எப்படியெல்லாம் நம்மளை நல்ல பேரு எடுக்க வைக்க எத்தனை பேரு பாடு பட்றாய்ங்க??)

ஒருவேளை பிடிக்காத நபராய் இருப்பாரோ அந்த விடை பெறும் நபர். என்னதான் மோசமான ஆளாய் இருந்தாலும் ஏதாவது ஒரு நல்ல விஷயம் நடந்திருக்காது வாழ்க்கையில். (தமிழகத்து ஆளும் கட்சி எதிர் கட்சி மாதிரி இருப்பார்களோ..??)

ஆனால் நம்ம மரபு, எதிரியாய் இருந்தாலே கூட அவரும் ஏதாவது நல்லது செய்தால் அதனை பாராட்ட வேண்டும் என்று தானே சொல்லிக் கொடுத்திருக்கிறது. வக்கிரமான சின்னத்திரை சீரியல்கள், பழிக்குப் பழி ரத்தத்திற்கு ரத்தம் என்று தொடர்ந்து வரும் படங்களையும் பாத்ததால் அந்த நல்ல பண்பை எல்லாம் மறந்து விட்டோமோ?? யோசிக்க வைக்கிறது.. நீங்களும் யோசிங்க…

மத்திய அரசின் ஓய்வு பெறும் தற்போதைய வயதான 60 ஐ மேலும் நீட்டித்து 62 வரை ஆக்க இருப்பதாய் தகவல்கள் வெளிவர, எல்லாருமே ஆளுக்காளுகள் தனக்கு என்ன சாதகம்? பாதகம்? என்பதை அலச ஆரம்பித்து விட்டனர். சிவனே என்று இருந்த என்னையும் சிலர் வம்புக்கு இழுத்தனர். ஒரு ஊழியரின் பிறந்த நாள் மட்டும் தெரிந்தால் அவரின் ரிட்டையர்மெண்ட் தினத்தை தெரிந்து கொள்வது எப்படி? என்று கிளறினார்கள். (நாம தான் எக்செலில் போட்டுக் காட்டி விடுவோம் என்று ஒரு நம்பிக்கை). கேட்டவரும் எக்செலில் போட்டுத்தான் பாத்திருக்கார். இந்த லீப் வருடம் சிக்கல் தரவே நேரெ என்னிடம் வந்துட்டார்.

லாஜிக்கலா யோசித்து சில ஸ்டெப் போட வேண்டும். ஒருவரின் பிறந்த நாள் 12-11-1962 என்று வைத்துக் கொள்வோம். அவருக்கு 60 வயது எப்போது ஆகும் என்று முதலில் பாக்க வேண்டும். 11-11-2022 ல் 60 வயது ஆகும். அப்புறம் அது எந்த மாதம் என்று பார்க்க வேண்டும். அதன் கடைசி நாள் தான் அவரின் ரிட்டையர்மெண்ட் ஆகும் தினம். அதாவது நவம்பர் 30, 2022 தான் அவர் ஓய்வு பெறும் நாள். இன்னொரு சிக்கல் உள்ளது. மாதத்தின் முதல் நாள் பிறந்த துரதிருஷ்டசாலிகளுக்கு அந்த மாசத்துக்கு முன்னாடி உள்ள மாதத்தின் கடைசி நாளில் ஓய்வு பெறுவார். உதாரணமாக 1-11-1962 ல் ஒருவர் பிறந்திருந்தால், அவர் 31-10-2022 லேயே வீட்டுக்கு போயிடனும்.

இதெல்லாம் யோசிச்சி அதை அப்படியே எக்செலில் திணிச்சா.. நமக்கு விடை கிடைக்காமலா போகுது?? அது சரி..எப்படி போட்றது? இவ்வளவு வம்பு அளக்கிற நானு, அதையும் சொல்லாமலா போகிறேன்..!!!
கீழே இருக்கும் படி சில தகவல்கள் பதியுங்கள் அந்தந்த செல்களில்:
A1 – Date of Birth
B1 – Date of Retirement
A2 ல் ஒர் ஊழியரின் பிறந்த தேதியினை இடுங்கள். B2 ல் ஈயடிச்சான் காப்பி மாதிரி கீழே உள்ள பார்முலாவை அடிங்க.
=IF(DAY(A2)1,EOMONTH(A2+21915,0),EOMONTH(A2+21915,-1))

A2 ல் நீங்கள் எண்ட்ரி செயத பிறந்த நாளுக்கேற்ப B2 ல் ரிட்டையர்மெண்ட் நாள் வந்திருக்கும். ஏதாவது நம்பர் வந்து கடுப்பேத்தினா, கவலையே படாதீங்க. அதை Date formate க்கு மாத்திட்டா போதும் (சும்மா ஒரு ரைட் கிளிக் செய்ங்க பிரதர்). எப்புடி இந்த ஜாலம் நடக்குதுங்கிறதும் சொல்லிட்டா, நீங்க மத்த வேலைகளுக்கும் யூஸ் செய்யலாமே???

மொதல்லெ தேதி 1 இல்லாத பட்சத்திலெ எப்படி செய்யனும் முதல் தேதி என்றால் என்ன செய்யனும் என்பதாய் ஒரு IF போட்டு துவங்கியாகி விட்டது. பிறந்த நாளில் தேதியினை மட்டும் சுட்டு தனியே எடுக்க DAY(A2) என்பது பயன்படும். Not Equal to என்பதைத் தான் என்று போட்டுள்ளேன்.
EOMONTH என்றால் End of Month சம்பளப் பணம் எல்லாம் தீந்து போய், சிக்கனமாய் இருக்கும் அல்லது கடன் வாங்கும் மாசக் கடைசி தினம். அது என்ன சம்பந்தமில்லாமல் 21915 வந்திருக்கு என்று கணக்குப் புலிகள் யோசிக்கீகளா?? விளக்கம் சொல்றேன் கேளுங்க. நாலு வருஷத்துக்கு ஒரு தடவை பிப்ரவரி மாசத்துக்கு 29 நாள் வந்து உயிரை எடுக்கும். அப்பொ மட்டும் 366 நாட்கள் வருடத்துக்கு. மத்த மூனு வருஷமும் 365 நாள் தான் வரும். ஆக நாளு வருஷம் கையிலெ எடுத்தா அதில் 365+365+365+366 = 1461. அப்பொ ஆவரேஜா ஒரு வருஷத்துக்கு 1461/4 =365.25. அப்பொ 60 வருஷத்துக்கு ?? 60 X 365.25 = 21915. (தலை சுத்துதா கொஞ்சமா?) அந்த தலை சுத்தலோடவே… கூட வாங்க.

ஒரு கமா போட்டு 0 ஒரு பக்கமும், ஒரு கமா போட்டு -1ம் இருக்குமே! ஒரு மாசத்து கடைசிக்கு போகத்தான் அந்த ஏற்பாடு. ஒரு மாசம் முன்னாடி போக அடுத்த ஏற்பாடு.. அப்பாடா ஒரு வழியா பாடம் முடிந்தது…

கம்பர் உதயமாகிறார். குவைத் எல்லாம் போய் என்னை வம்ம்புக்கு இழுத்துட்டு இந்த போஸ்டிங்கில் கலட்டி உட்டியே கடன்காரா!!! (அந்த கடன் காரன் சாட்தாத் நான் தான்…) எக்செலெப் பத்தி சொல்ற நேரத்திலெயும் கம்பர் வரனும்னு வம்பு செஞ்சா எப்படி?? ஆமா எதிரியை புகழ்வது பத்தி பாதியிலெ வுட்டோமே???… இப்பொ தொடர்வோம்… கம்பனையும் கூட்டிக் கொண்டு…

ஒரு சண்டைக் காட்சி, ரொம்பவுமே பரபரப்பா போயிட்டே இருக்கு. ஆளும் கட்சி எதிர்கட்சி என்று ரெண்டு பேரும் தங்கள் திறமைகள் காட்டி சண்டை போட்டபடி இருக்கிறார்கள். ஒருவர் அப்படி தன் திறமையினைக் காட்ட, சபாஷ் என்று சத்தம் வருது. எங்கேயிருந்து என்று ஓடிப் போய் பாத்தா… அது எதிர் அணியிலிருந்து தான். வருவது கம்பராமாயணத்தில். திறமையினைக் காட்டியது அனுமன். சபாஷ் போட்ட பெரிய்ய மனுசன் கும்பகர்ணன்.

சூலத்தையே ஒடிச்ச அனுமனது ஆற்றல் பாத்து, கும்பகர்ணன் “உன்னோட கைத்திறன் சொல்லவோ, நெனைச்சிப் பாக்கவும் மேலானதா இருக்கு.. மெகா ஈவென்ட் எல்லாம் செய்றதுக்கு உலகத்திலெ உன்னெ விட்டா ஆளு லேது. கம்பேர் செஞ்சி சொல்ல முடியாத அளவுக்கு சூப்பரா கீரேப்பா” என்கிறார். கெட்டவனா இருந்தாலும் மேன் மக்கள் மேன் மக்கள் தான்..

பாட்டும் பாக்கலாமா??

நிருதனும் அனையவன் நிலைமை நோக்கியே
கருதவும் இயம்பவும் அரிது உன் கை வலி
அரியன முடிப்பதற்கு அனைத்து நாட்டினும்
ஒரு தனி உளை இதற்கு உவமை யாது என்றான்.

மீண்டும் நல்லவர்களை தேடுவோம்…

Hindi translation by Excel

Language is a medium of expression between the human beings through which one could understand the feelings of others. To communicate in a better way there must be a best medium so that both the parties would benefit with the same. The Government policies on Implementation of Official language too serve the same purpose. The ultimate goal of declaring Hindi as official language of the nation is not only for the better communication and also to make a path to reach Government policies and decisions to the common public.

Most of the offices in India celebrating Hindi Fortnight during September every year in various forms. If we closely watch all inaugural as well as valedictory function there will be the mention about a need for more usage of Hindi in making official communication. Of course everyone will agree during the functions but while in practice there are some difficulties in implementation. This article tries to resolve the difficulty and also gives a tool for effective implementation of Official Language.

The yardstick for measuring effective implementation of Official Language is the “documental outputs in Hindi” in any office. Usually computer based outputs only been generated in every offices. Every organization has their small Hindi unit when compared to the total strength of the departments. The output depends on the efficiency of the small skeleton of Hindi Unit which represents the whole organization. In this situation, the Office Automation in Hindi alone may help in improving the effective implementation of Official Language.

Almost all offices were using the popular Microsoft Office packages for their official works. MS Excel – a component of this package, by and large meant for data processing in the form of spread sheet application is also available. The services of MS Excel could be utilized in Office automation in Hindi related works too.

To illustrate how the Office Automation works in Hindi using MS Excel, Let us generate an Office Order on sanctioning of Festival Advances. The basic databases required are employee data’s such as Name, Designation, Office in which the employee works. These are to be made bilingual ie English and Hindi with the self of Hindi unit (one time job) which would be used for many purpose.

The next step is to create a database for the Festivals of the year 2012 (Which requires to modify during subsequent years). The data like name of the Festival & the date are also to be made in bilingual.

A sheet to be made in such a way that user can only select the name of the employee & the Festival for which advances sought. These can easily be made by giving Name Range and also with the Validation facilities of MS Excel.

The Office Order for sanction of Festival Advance is a common format. The variable data’s are the details of employees like Name, Designation, Office in which the employee work, Name of the festival & date of Festival. These will be gathered automatically from the existing database and output will be displayed in Hindi. The facilities (Functions in MS Excel bhasha) available in MS Excel like VLOOUP and CONCATENATE were used effectively for this Hindi translation requirements. The output of the selected employee will be received with no time.

Similar Office Automations can be made by making small modifications in the database and as per the requirements of the Outputs in Hindi. The Techniques of VLOOKUP functions only to be learned by a person who makes format for the output once and the same format can be utilized by all dealing hands to generate the output in Hindi. Such Office Automation in Official Language not only increases the output in Hindi but also improve the overall efficiency of the Government functions. (the author can be reached by email tnkdcealhw@gmail.com in case of further clarification)

நான் எக்செல்காரன்..எக்செல்காரன்..(எக்செல் பாடம் – 6)

நான் ஆட்டோக்காரன்.. ஆட்டோக்காரன் ஸ்டைலில் எக்செல்காரன் என்று பாடினால் என்ன என்று யோசிச்சேன்.. (எதுக்கு இப்படி எல்லாம் யோசிக்கிறேன்னு யாரும் கேக்க மாட்டேங்கிறீங்க…அதான் அப்படி யோசிக்கிறேன்)

அந்தப் பாட்டின் நடுவில் இசுக்கு என்னா இசுக்குத்தான்..என்பதை இஃப்புக்கென்னா இஃப்புக்குத்தான் என்று மாற்றி பாடும் போது தான் இந்த IF சமாச்சாரம் பத்தி எழுதினா என்ன???… தலைப்பு ரெடி… மேட்டர்..கீழே படிங்க..

லாஜிக்கே இல்லாமெ படம் எடுக்கிறாய்ங்க என்று சில படம் பாத்திட்டு வந்து நாம பேசுவோம் அல்லது லாஜிக் ஒதைக்குதுன்னு சொல்றதை கேட்டிருப்போம்.

இதுக்கு சரியான தமிழ் தர்க்கம் என்று கோணார் இ- அகராதி சொல்கிறது.

நீ நல்லவனா? கெட்டவனா?? என்ற கேள்விக்கு பதில் நல்லவன் அல்லது கெட்டவன் இவ்வளவு தான் இருக்கணும். தெரியலையே என்று பதில் வந்தால் சங்கடம் தான்.

வீட்டுக்காரியிடமிருந்து இந்த மாதிரி பதில் வரும்… ஆமா..அந்த கல்யாணத்துக்கு போகணுமா??? இது என் கேள்வி.. போலாம்னு தான் நெனைக்கேன் என்று இழுத்தால்… ஆமாமும் இல்லை. இல்லையும் இல்லை.

எக்செலில் அந்த இழுவை இல்லாத தர்க்கம் லாஜிக்கல் கேள்வி இருந்தா அதை அந்த IF வச்சி தூள் கிளப்பலாம்.

ரொம்ப சிம்பிளா ஒரு பசங்களோட மார்க்கை entry செய்வோம். 35 அல்லது அதுக்கு மேலும் எடுத்தா பாஸ் இல்லாட்டி பூட்டுகிச்சி என்று வரணும்.. செய்யலாமே.. அப்படியே நாமலும் எக்செல் கத்துகிட்ட மாதிரி ஆச்சி.

உதாரணமா இப்படி Data type செய்யுங்களேன்:

A1 Name
A2 Kuppan
A3 Suppan

(வேறு பெயர்களும் வைக்கலாம் தப்பே இல்லை… கத்துகணும் என்பது முக்கியம்..பெயரை விட)

அப்படியே குப்பன் எடுத்த மார்க் 61 என்பதையும் சுப்பன் எடுத்தது 16 என்பதையும் போடுங்க.. எப்படி..இப்படித்தான்.

B1 Marks
B2 61
B3 16

வித்தை ஆரம்பிக்கலாமா???

C1 ல் Result போட்டுவைங்க.

C2 ல் குப்பன் பாஸா, பூட்டகேஸான்னு பாக்கணும். C2 லெ ஒரு சின்ன சூத்திரம் எழுதுங்க..(கம்பனைப் பத்தி இவ்வளவு எழுதினீங்க..இது தான் கம்ப சூத்திரமா???)

=IF(B2>34,”பாஸ்”,”பூட்ட கேஸு”)

இங்கே தான் எக்செல் லாஜிக்கா ஒரு கேள்வி கேக்குது. பையன் 34க்கு மேலே வாங்கிட்டானா??

அந்தக் கேள்விக்கு ஆமா என்றால் பாஸ் என்பதை Double quote க்குள் போடுங்க.

அதே கேள்விக்கு பதில் இல்லை என்று வந்தா…??? இருக்கவே இருக்கு.. Fail அல்லது பூட்டகேஸு..எதை வேணாலும் எழுதுங்க..ஆனா..அந்த Double quote மறந்திராதீங்க.

இதையே எல்லா ரிசல்ட் பாக்கவும் புடிச்சி இழுத்து பயன்படுத்தலாம்.

அப்பொ Home Work தரட்டுமா??

D1 Class  போடுங்க..

D2 ல் குப்பன் எந்த Class ல் Pass செய்துள்ளான் என்று வர வேண்டும்.

இதுக்கு முன்னாடி சில லாஜிக்கல் கேள்விகள்.

ஆளூ Fail ஆ…?? ஆமா..அப்பொ No Class.

60 க்கு மேலே வாங்கின நல்ல புள்ளையா???  கண்டிப்பா First Class.

50 முதல் 59 க்குள் – Second Class.

50க் கும் கீழே – இருக்கவே இருக்கு Third Class.

இந்தா புடிங்க ஃபார்முலா…

=IF(C2=”பூட்ட கேஸு”,”No Class”,IF(B2>59,”First Class”,IF(B2>49,”Second Class”,”Third Class”)))

Mark மாத்தி மாத்திப் போடுங்க…. Result & Class மாறுதா???

செஞ்சி பாருங்க சரியா வருதான்னு சொல்லுங்க..

இஞ்சி பூண்டு பேஸ்ட்…பேஸ்ட் ஸ்பெஷல்… (எக்செல் பாடம் – 5)

இந்த சக்தி மசாலாவில் இஞ்சி பூண்டு பேஸ்ட் வந்தது மகளிருக்கு ரொம்ப நல்லதாப் போச்சி.. காலையிலேயே… கரெண்ட் இல்லையே என்று கதி கலங்க வேண்டாம்.

சாதாரண பேஸ்ட் இவ்வளவு யூஸ்புல்லா (உங்களுக்கு வேறு ஃபுல் ஞாபகம் வந்தா அதுக்கு நான் பொறுப்பு அல்ல) இருந்தா…அதுவே..ஸ்பெஷல் தோசை மாதிரி… பேஸ்ட் ஸ்பெஷல் எப்படி இருக்கும்??…

ஆமா… அது எங்கே கிடைக்கும்? ன்னு தேடாதீங்க… இதுவும் எக்செல்லில் தான் இருக்கு..

ஏகப்பட்ட வசதிகள் அதில் இருந்தாலும்…நாம சில விஷயங்களை கொஞ்சம் பாக்கலாம்…

சாதாரணமா நாம் Ordinary Paste தான் செய்வோம்…சில சமயங்களில் Paste Spl தேவைப்படும்..அப்போ அதை தேடி ஓடனும்..எப்போ தேவைபடும்??? எவனுக்குத் தெரியும்..நம்ம எதுக்கும் தயாரா இருப்போமே??

உங்க Boss ஒரு பெரிய்ய Database குடுத்து Excel ல்ல அடிங்க என்றார்..Done…குஷியா வேலையை முடிச்சிட்டு mail அனுப்பி வச்சிட்டு, fb ல போகலாம்னு இருக்கும்போது…boss கிட்டெயிருந்து மெயில்…என்ன small letter போட்டே..எல்லாம் CAPITAL LETTERS ல வேணும்…

Word ல் இருக்கும் Change Case வசதி எக்செலில் தரப்படவில்லை..  அப்போ CAPITAL ஆ எப்படி மாத்துவது?? அல்லது small letters ஆக்குவது எப்படி??

ஒரு சின்னதா நான்கு பெயர்கள் எழுதுங்க…பிடிச்சமான நாலு பேரு:

A1 ambika
A2 suhashini
A3 kajol
A4 jothika.
(இதெப் பாத்தே எனனோட வயசு தெரிஞ்சு போச்சா??)

அதுக்கு அடுத்த Column B ல் CAPITAL தேவைக்கு, B1 ல் போயிட்டு =upper(A1) போடுங்க..CAPITAL வந்திருக்கும்..

B1 வோட காதைப் பிடிச்சி (அதைத்தான் Fill Handle என்று நாகரீகமா பில்கேட்ஸ் பேர் வச்சிருக்கார்)…அப்பிடியே B4 வரைக்கும் கொண்டு வாங்க…எல்லாம் CAPITAL ஆயிருக்கும்..

small க்கு மாத்தனுமா?? =lower() போட்டு வாங்குங்க… மொதோ லெட்டர் மட்டும் Capital வேணுமா?? அதுக்கும் வழி இருக்கு..=proper().

சரி இதுலே பேஸ்ட் எங்கே வந்தது??? பொறுமை… பொறுமை… இனி வரும்…

A1 to A4 சங்கதிகள்… அதான் பழசு தப்பா அடிச்சது, நமக்குத் தேவை இல்லைன்னு நீங்க delete பண்ணா…எல்லாம் பூட்டுக்கும்…  அதாங்க…எல்லாம் ஒண்ணா காணாமப் போகும்…

இப்போ தான் ஒரு சின்ன வேலை செய்யணும் நீங்க… இதை delete செய்யும் முன்னர் சின்னதா ஒரு சங்கதி… எதை மாத்தினீங்களோ…அதை select செய்ங்க…அதான்..B1 to B4 வரை.. copy செய்ங்க…( சுத்தி எறும்பு ஓடுமே??? அப்பொ சரி).. அங்கேயே இருந்தபடி right click செய்யுங்க…

அப்பொத்தான் Paste Special கடவுள் தரிசனம் தருவார். (நல்ல வேளை…2003 க்கும் 2007க்கும் no change) அப்போ ஒரு window வரும். அதில் value செலெக்ட் செய்து OK சொல்லுங்க… போதும்..

இனி நிம்மதியா..பழசை delete செய்யலாம்… என்ன Special நல்லா இருக்கா…?. இதே மாதிரி…எதாவது ஒரு payment details இருக்கு. எல்லாருக்கும் 50 ரூபா சேக்கணுமா?… சேக்கலாம்…  அப்புறம் போன பாடத்தில் பாத்த validation ஐ தூக்கி நெறைய எடத்துக்கு போடணுமா? (ஆனா அந்த cell லிருக்கும் value போடாமல், வெறுமனே validation மட்டும் paste செய்யணுமா.?.. விடாதீங்க..கெட்டியா பிடிங்க..நம்ம Paste Special ஐ.

வேறு எதைப் பற்றியாவது (எக்செலில் தான்) சந்தேகங்கள் இருந்தா… கேளுங்க… எனக்குத் தெரிஞ்சா..இந்த மாதிரி வியாக்யானம் செய்றேன்..

உங்கள் ஆதரவுக்கு மிக்க நன்றி..

தூண்டில் போட்டா மீனு – (எக்செல் பாடம் 4)

யாராவது திடீரென்று ஆர்வக் கோளாறில் ஹிந்தியில் எழுதுவோம் என்று இறங்குவார்கள்.. அது கொஞ்ச ஆட்களுக்குப் புரியும்.. மிச்ச ஆட்களுக்குப் புரியாது… இதுவும் நடந்துகிட்டே தான் இருக்கும்…

இந்த பிரச்சினையையும் நாம எக்செல் கத்துகிட்டே சரி செய்யலாம்..

அதாவது நீங்க நெனைக்கிற வார்த்தைகள் (அது English, தமிழ் எதிலும் இருக்கலாம்) எல்லாம் ஒட்டுக்கா ஒரு Column ல போட்டு வாங்க… அதுக்கு நேர் எதிரே ஒரு column ல், ஹிந்தி words எல்லாம் போட்டு எழுதிட்டு வாங்க.. இப்பொ நாம என்ன செய்யப் போறோம்னா…, நீங்க ஒரு வார்த்தையை செலெக்ட் செய்தா அதுக்கு சரியான ஹிந்தி வார்த்தை என்ன என்று உங்களுக்கு காட்டும்… (அது சரி… ஒரு பாக்கெட்டிலிருந்து எடுத்து இன்னொரு பாக்கெட்டில் தரனும் அவ்வளவு தானே?? கூடவே எகசெல் கத்துக்கிடுவோம்.

ஓகே நான் ரெடி…நீங்க ரெடியா???

ஒரு வாத்தியார் கேட்டாராம்: 3 ம் 3ம் கூட்டினா 6 வரும்; அப்போ 13ம் 13ம் கூட்டினா என்ன வரும்?

பையன் திரும்பக் கேட்டானாம்: போங்க சார்…ஈஸியான விடை எல்லாம் நீங்க சொல்லிட்டு கஷ்டமானதை எங்க கிட்டே கேக்கிறீங்க…

இதே மாதிரி அந்த கஷ்டமான வேலையை நீங்க செய்ங்க.. நானு ஒரு சின்ன சாம்பிள் செஞ்சி காமிக்கிறேன்… நீங்க பெரிச்ச்சா ஏதாவது செய்ங்க…

ஒரு சின்ன Data base கையில எடுக்கலாம்.. நம்ம இந்திய state & Capital அதை இப்படி entry பண்ணுங்களேன்.

A1 Name of the State
B1 Capital
A2 Tamil Nadu
B2 Chennai
A3 West Bengal
B3 Kolkotta
A4 Gujarath
B4 Gandhi Nagar
A5 Jammu Kashmir
B5 Sri Nagar

முடிஞ்ச்சதா??? அப்புறம் அப்படியே அந்த State பெயர் எல்லாம் select செய்யுங்க… அதாவது A2 முதல் A5 வரை. அதை அப்படியே வச்சிட்டு இந்த Formula Bar இருக்கு பாருங்க…அதான் நாம எது டைப் செஞ்சாலும் அது அந்த செல்லிலும் வரும்..அந்த பெட்டியிலும் வருமே…அதே..அதே தான், அதுக்கு இடது பக்கம் ஒரு பொட்டி இருக்கு பாருங்க…அதான் பெயர்ப்பெட்டி (Name Box)… அங்கே mouse வச்சாலே சொல்லும். பொதுவா அந்த எடத்திலே A1, B1 … மாதிரி Cell Address தான் இருக்கும்.. (ஆமா திஹார் ஜெயிலில் இருப்பவங்களுக்கு Cell Address இருக்குமா???)

அந்த Name Box ல் Mouse pointer வச்சி ஒரு பேரு குடுங்க…கொஞ்சம் சம்மந்தம் உள்ள மாதிரி குடுங்க..ஏன்னா இந்த பேரு பின்னாடி தேவைப்படும்…அதான் இப்பவே சொல்லி வைக்கிறேன்.. நான் தரும் பேர்.. StateName

இதுக்கப்புறம் நம்ம State பெயர்கள் & Capitals இரண்டையும் சேத்து select செய்ங்க… அதவது A2 முதல் B5 வரை தேர்வு செய்து அதுக்கும் ஒரு பேரு..சொல்லுங்க பாக்கலாம்.. StCapiTable. ம்..அது…

இப்போ மெயினான விஷயத்துக்கு வருவோம்.. C10 க்கு போய் கொஞ்சம் மந்திர தந்திர வேலைகள் செய்வோம்… இந்த Cell ல் நாம வெறும் State பேரு மட்டுமே select செய்ற மாதிரி வரணும்…எப்படி??? ஏற்கனவே நாம சொல்லி வச்சிருக்கோம்..Validation…அதை இங்கே புகுத்தி வைக்கலாமே…

Click Data in Menu Bar…and then Click Validation [2003 user may find this in down & 2007 user have to trace this in right side]

ஒரு ஜன்னல் வரும். அதில் Settings ல் Allow என்று இருப்பதில் List தேடிப் பிடிச்சி கிளிக்குங்க.. ஆச்சா.. சத்தமில்லாம Source க்கு கீழே போய் =StateName அடிங்க…(இப்போ தெரியுதா?? ஏன் அந்த பெயரை ஞாபகம் வச்சிக்கணும்னு சொன்னேங்கிறது??).

ஒகே சொன்னவுடன்…சூ..மந்திரக்காளி… ஒரு சின்ன Drop Down Arrow வந்திருக்கும். தட்டிப்பாருங்க..அட…நம்ம அடிச்ச State பேரு எல்லாம் இருக்கும்..

அடுத்த வித்தை..D10 ல் C10 ல் எந்த State இருக்கோ,அதன் Capital வரவழைக்கனும்… இவ்வளவு சொல்றவன் இதை சொல்ல மாட்டேனா??? (ரகசியம்..யாருக்கும் சொல்லிடாதீங்க)

D10 ல் தர வேண்டிய பார்முலா இதோ =VLOOKUP(C10,StCapiTable,2,false)

இதுக்கு என்ன அர்த்தம்???

C10 — State க்குத் தகுந்த மாதிரி Capital பேரு தரணும் StCaiTable …மொத்தமா ஒரு பேரு (அதாங்க…ரெண்டாவதா குடுத்தோமே அதான்).
2 – ரெண்டாவது Column ல் இருப்பதை பொறுக்கி நமக்கு தரணும்
false – சரியான மேட்சான ஆள் பெயர் தான் வேணும்..No Approximation.. முடிஞ்சதா???

இப்போ.. C10 ல் State Name மாத்துங்க…D10 ல் Capital name மாறுதா?? அப்படியே ஹிந்தி வார்த்தைகள் நீங்களே டிரை பண்ணுங்க..அது தான் உங்களுக்கு Home Work.

Civil Engineers அதிகம் பயன்படுத்தும் Rate Analysis இந்த VLOOKUP வைத்து கலக்கலாம்.

அடுத்த பாடம்… இஞ்சி பூண்டு பேஸ்ட்…பேஸ்ட் ஸ்பெஷல்..(எக்செல் பாடம் – 5) ….விரைவில்…

அகநானூறு வைத்து எக்சல் கற்போம் (பாடம் – 3)

என்ன இது மொட்டைத் தலைக்கும் முழங்காலுகும் ஏதோ நானு முடிச்சு போட்றதா நினைக்கலாம்..

இன்னெக்கி அகநானூறு பக்கம் கொஞ்சம் பாத்தேன். முதல் பாடலே தூக்கியடித்து விட்டது. மொத்த பாடல்கள் நானூறு. அவை அணைத்தும் ஓர் ஒழுங்கு முறையில் தொகுக்கப் பட்டுள்ளன.

பண்டைய தமிழக நிலங்களை ஐந்தாக பிரித்து அதற்கு குறிஞ்சி முல்லை மருதம் நெய்தல் பாலை என்று பெயரும் இட்டனர்.

நானூறு பாடலகளிலும் ஏதோ ஒரு நிலம் சம்பந்தப் பட்டு இருக்கும். அதிலும் ஒரு நேர்த்தி இருக்கும். எப்படி ???

1 3 5 11 13 15 21 23 25 இப்படியான ஒற்றைப்படை எண்கள் உள்ள பாடல்கள் பாலை நிலப் பாடல்கள்.

4 14 24 இப்படி 4ல் முடியும் எண்கள் கொண்டு உள்ள பாடல்கள் முல்லை நிலப் பாடல்கள்

மருத நிலப் பாடலகள் 6ல் முடியும் (அதாவது 6 16 26 இப்படி)

10 20 30 இது போன்ற எண்களின் பாடல்கள் நெய்தல் நிலத்து மேட்டர்கள்.

2 அல்லது 8 இவைகளில் முடியும் பாடல்கள் குறிஞ்சிப் பாடல்களாகவே இருக்கும். (42 62 332 இப்படியும் 18 178 258 398 இப்படி எண் உள்ள பாடல்கள்.

என்ன தலை சுத்துதா??

சரி எக்செலில் A1 செல்லில் 1 முதல் 400 வரை உள்ள நம்பரில் ஏதாவது ஒரு நம்பரை அடித்தால் A2 ல் எந்த நிலப் பாடல் என்று வரவழைக்க முடியுமா??

இதில் என்ன பிரயோஜனம்?? என்று கேட்பவர்களுக்கு…

ஒழுகுப்படம் (Flow Chart) போட கத்துக்கலாம்.

உதாரணம்:

முதல் படி:
ஒற்றைப்படை எண்ணா?

ஆம்: பாலை நிலம்

இல்லை: இரண்டாம் படி செல்க.

இரண்டாம் படி:
நான்கில் முடிகிறதா?

ஆம்: முல்லை நிலம்

இல்லை: மூன்றாம் படி செல்க..

இப்படியே போகலாம்.

அடுத்தபடியாக..

A1 செல்லில் 1 முதல் 400 வரை மட்டுமே தரும் Validation தெரிஞ்ச்சிக்கலாம். (அடுத்த பாடத்தில் இதை தனியே பாக்கலாம்)

அப்புறம்..  பல Functions வருது இதிலெ..

 IF
ISODD
RIGHT

நீங்களே டிரை பன்னுங்க…

முடியலையா.. இதோ பார்முலா..A2 ல் போடுங்க..

=IF(ISODD(A1)=TRUE,”Paalai”,IF(RIGHT(A1,1)=”4″,”Mullai”,IF(RIGHT(A1,1)=”6″,”Marudham”,IF(RIGHT(A1,1)=”0″,”Neidhal”,”Kurinji”))))

பழந்தமிழரிடம் எத்தனை ஒழுங்கு இருந்திருக்கு?? அதை வச்சி நாம எக்செலாவது ஒழுங்கா கத்துக்குவோம்.

ஹலோ.. எங்கே போறீங்க..??? பாட்டு இல்லாத போஸ்டிங்கா?? பாட்டையும் பாத்துட்டு போங்க…

ஒன்றுமூன் றைந்தேழொன் பான்பாலை ஓதாது
நின்றவற்றில் நான்கு நெறிமுல்லை – அன்றியே
ஆறாம் மருதம் அணிநெய்தல் ஐயிரண்டு
கூறா தவைகுறிஞ்சிக் கூற்று.

என்ன இந்தப் பாடம் போதுமா இன்னும் கொஞ்சம் வேணுமா??

Sorting as you wish in Excel

திட்டு வாங்காமல் வரிசைப் படுத்த (எக்செல் பாடம் 2)

வரிசையா நில்லுங்கப்பா என்று சொல்லும் இடங்களில் எல்லாம் ஏதாவது சிறு சிறு சலசல்ப்புகள் வந்த வண்ணம் இருக்கும்..

வரிசைப்படுத்துதலில் (Sorting) இரண்டு முறை தான் ரொம்ப பாப்புலர். ஏறுமுகம் (Ascending order) & இறங்குமுகம் (Descending Order). [அப்போ ஆறுமுகம்..??? என்று யாரும் கேட்டு வைக்காதீங்க…] இவைதான் பெரும்பாலும் பயன் படுத்துவோம்.இவைகள் நம்பர்களை வைத்து செய்யும் போது எல்லாம் நல்லாத்தான் போகுது… Marks, Amount, Age, Profit, Value இப்படி…

என் கிட்டே ஒருத்தர் வந்தார். தங்கள் அலுவலக அதிகாரி & ஊழியர்களின் பெயர், அவர்களின் Designation அவரின் கையில். அதனை வரிசைப் படுத்துமா எக்செல் என்றார்…

அதனால் என்ன என்று அதனை வாங்கினேன்.. பதவிகள் இப்படி :

Director; Dy Director, Asst Director, Manager, Asst Manager, Assistant, Head Clerk, Clek, Peon, Watchman.

 பெயரின் alphabetical order ல் காண்பித்தேன்.. பதவியின் பெயர் படி வேண்டும் என்றார்…

 Acending order ல் போட்டா, Assistant மேலே வருகிறார்.

 மாத்திப் போட்டா..Watchman மேலே இருக்கார்..

எனக்கு Heiraritical Order ஆக வேண்டும் என்கிறார்…அதாவது Director தான் மேலே இருக்கனும். Watchman கீழே தான் இருக்கனும். முடியுமா???

உங்களுக்கு தெரிந்தால் (இந்த குறைகுடம் ஏதோ கூத்தாடுதுன்னு சொல்லிட்டு போயிடுங்க)

தெரியாதவர்கள் மேற்கொண்டு படிங்க…

தனியா ஓர் எடத்துலே உங்களுக்கு வேணும்கிற வரிசையை அப்படியே entry செய்ங்க..

Director
Dy Director
Asst Director
Manager
Asst Manager
Assistant
Head Clerk
Clek
Peon
Watchman.

இதை மொத்தமா செலெக்ட் செய்யுங்க, மவுஸ் வச்சி…. அதை (Range என்பார்கள்). மேலே இருக்கும் செல்லில் இருந்து Shift + Down Arrow மூலமும் கூட செய்யலாம். select செய்து வச்சிட்டு, அப்படியே Menu Bar ல் Tools..ஐ தட்டுங்க…Option தேடிக் கிளிக்குங்க…Custom Lists தட்டுங்க…ஒரு ஓரமா Import மேலே இன்னொரு தட்டு…அப்புறமா Add மேலே சின்ன குத்து…கடைசியா ஓகே சொல்லி அந்த ஜன்னலை மூடுங்க…

அப்புறம் நீங்க வரிசைப் படுத்த வேண்டிய லிஸ்டில் போங்க… நேரே AZ அல்லது ZA இதெல்லாம் தட்டாமல் மெனு பாரில் (எதுக்கு இந்த மனுஷன் அடிக்கடி பாரை ஞாபகப் படுத்துறார்ன்னு யோசிக்காதீங்க) Data அப்புறம் Sort மேலே லெசா செல்லமா தட்டுங்க…

ஒரு ஜன்னல் திறக்கும்…(காத்தும் வராது..கேமிராவும் இருக்காது….நன்றி: நித்யானந்தா)

மறுபடியும் Ascending or Descending தான் இருக்கும்..ஆனா இடது பக்கத்தில் ஒரு Option முனிவர் இருப்பார்… மெதுவா தட்டினால், First Key Sort Oder ஆசி கிடைக்கும்..அப்படியே உள்ளே போனா…நீங்க ஏற்கனவே கொடுத்த லிஸ்ட் இருக்கும்…இதை இதைத்தான் எதிர்பாத்தேனு சொல்லி ஆமான்னு சொல்லுங்க…

பெயரும் பதவியும் உள்ள பெரிய லிஸ்ட், நீங்க எதிர்பாக்கும் வகையில் உங்களால் வரிசைப்படுத்தி அசத்த முடியும்…

அசத்துங்க…எத்தனை பேர் அசத்தினாங்கன்னு எழுதுங்க… 

எக்செல் பாடங்கள் தொடரும்…

Managing your Task using Excel

எக்சல் என்றால் கணக்கு போடும் சமாச்சாரம்…. கட்டம் போட்ட வேர்ட்…என்று அவ்வளவாய் மக்கள் அதன் உள்ளே பலர் போவதில்லை என்பது என் தாழ்மையான அபிப்பிராயம்.

சரி அந்த குறையை நிவர்த்திக்க நாம ஏதாவது செய்யலாமே??? சும்மா பேசிட்டு இருந்தா யாருக்கு என்ன பிரயோஜனம்??? 

அவங்க அவங்க்களுக்கு ஆயிரம் ஜோலி இருக்கு… நாம் செய்ய வேண்டிய வேலைகள், ஞாபகப் படுத்த வேண்டிய வேலைகள், Due Date போன்ற சமாச்சாரங்கள் ஏகமா இருக்கு..

எல்லாத்தையும் நம்ம மூளை எப்படி ஞாபகம் வச்சிருக்கும்??? (இருக்கிறதே..கொஞ்ச மூளை..)

இதை எக்சல் வச்சி எப்படி சமாளிக்கலாம்கிறது தான் இன்றைய பாடம்…

செய்ய வேண்டிய முடிக்க வேண்டிய வேலைகளை ஒரு லிஸ்ட் போட்டு எக்சலில் தட்டிட்டே வர்ரீங்க… அப்புறம் ஒரு செல்லில் பச்சை கலரில் உங்களுக்கு சிகனல் தரும்… Due Date வந்த அன்னெக்கி சிவப்பு கலரில் மாறிடும்… நல்லா கீதா???

எப்படி பன்றது??

முதல் கம்பத்தில் (Column A) ல் தேதி போட்டுக்குங்க…

B Cloumn நினைவு படுத்த வேண்டிய வேலையை எழுதிக்கிங்க…

அடுத்ததில் எத்தனை நாள் கழித்து தேவையோ…அதை போடுங்க… பத்து நாள் என்றால் 8 நாள் என்று போடுங்க…ஒரு ரெண்டு நாள் Gap கையில் இருக்கட்டும்… இதை மட்டும் செய்தால் அது Raw Data..

இனி Processing Portion க்கு வருவோம்…

Sample Data:

A1 Date
A2 19/07/2011
B1 Name of Reminder
B2 To submit Project Report
C1 Time in days
C2 15
D1 Target

 இங்கே தான் வித்தை ஆரம்பம்..

 D2 =A2+C2

ஒரு தேதி வந்து நிக்கும்…

அதுக்கு தான் கலர் தரனும்.. என்ன பண்றது??? ரொம்ப Simple….Conditional formatting செய்யனும்…

கண்ணுக்கு தெரியாத (உங்களுக்கு மட்டும் தெரியும் செல்லில் =Today() போட்டு வைங்க…அது ஒண்ணும் இல்லை…System Date காட்டும்.. H1 ல் அது இருக்கட்டுமே…

Go to Conditional formatting

Compare the Cell D2 & H1 if Greater than or equal…select Green Colur

if less than…select Red Colour..

ஒரு தடவை செஞ்சி பாருங்க…

நூத்துக்கனக்கான வேலைகள் இருந்தாலும்..அன்னெக்கி செய்ய வேண்டிய வேலைகள் ஜம்முன்னு சிவப்பு கலர்ல காட்டும்… உங்க பாஸ் கிட்டே சபாஷ் வாங்கலாம்…அப்படியே நமக்கும் ஏதாவது டிரீட் வைங்க….

இத்துடன் இன்றைய எகசல் முதல் பாடம் நிறைவுற்றது… அடுத்த பாடம் விரைவில்