இதுக்கு முன்னாடியும் இப்படி


இப்போதைக்கு பாப்புலரா பேசப்படும் 2G யில் அடிக்கடி ராசய்யா சொல்லும் பதில் “இதுக்கு முன்னாடியும் இப்படி பல முறை நடந்திருக்கு..” என்பது தான்.

பெரும்பாலும் அரசு அலுவலகங்களில் தான் “இப்படி ஏற்கனவே செய்திருக்கிறார்களா??” என்று கேட்டு முடிவு எடுப்பார்கள்..

நேத்து டி வி யில் பாத்த “தமிழ்படம்” கிளைமாக்ஸ் காட்சியிலும் கூட கதாநாயகனை விடுதலை செய்ய, பல்வேறு படங்களை உதாரணம் காட்டி ஜட்ஜ் பேசுவார்.

ஜோக்காய் சொன்னாலும் உண்மையில் நடப்பதும் அது தானே!!!

இதுக்கு விதி விலக்கும் உண்டு.

திரு டி என் சேஷன் அவர்கள் தலைமை தேர்தல் அதிகாரியாய் சேர்ந்த புதிது. ஒரு ரூல் புத்தகம் அவசரமாய் தேவைப்பட்ட்து. 35 ரூபாய் தான். வாங்குங்கள் என்றாராம். அதுக்கு அமைச்சக அனுமதி பெற வேண்டும் என்றார்களாம். ஏன் என்று கேட்க, “இதுக்கு முன்னாடி இப்படி தான்…” என்றார்களாம் அதிகாரிகள். பின்னர் தேர்தல் ஆணையராக கம்பீரமாய் வலம் வந்தது வேறு கதை.

ஏன் இப்படி நமக்கு Old Reference கேட்கும் புத்தி வந்திருக்கு?? அது… நம்ம.. ரத்தத்திலேயே ஊறினது… மாறவே மாறாது..

அந்தக் கால கவர்மெண்ட் கதை ஒண்ணு சொல்றேன்.

அட்வைசர் சொல்றார். ஒரு வேலையை செய்யலாம்னு.. ஆஃபீசருக்கோ கொஞ்சம் தயக்கம். பின்னாடி ஏதும் CBI  அது இதுன்னு சிக்கல் வருமோன்னு.

அட்வைசர் : கவலைப்படாதீங்க சார்.. இதுக்கு முன்னாடியும் இப்படி நடந்திருக்கு…

அதிகாரி: அந்த டீடைல்ஸ் குடுங்க பாக்கலாம்..

பாத்தார் ஒகே என்றார். Done. 

அந்த அதிகாரி யார் தெரியுமா? இராமன்.

அட்வைசர் : விசுவாமித்திரர்.

இடம்: தாடகை வதம் நடைபெறும் காடு.

தயக்கம்: பெண்ணைக் கொல்ல்லாமா??

இப்படி முன்னாடி நடந்ததாக முனிவர் கொடுக்கும் இரண்டு முன் உதாரணங்கள்: கியாதி & முகதி என்ற இரண்டு பெண் அரக்கிகளை திருமாலும் இந்திரனுமே இதுக்கு முன்னாடி
சாவடிச்சிருக்காங்களே… (கம்பராமாயணம் : பாடல் 381 & 382)

நீதி: நல்ல முன் உதாரணங்கள் தரும் Advisor களை கூடவே வைத்திருந்தால் எதுவுமே எப்பவுமே தப்பா வராது.

T N Krishnamoorthi

வரமா சாபமா??


அன்பு நெஞ்சங்களே…

உங்களுக்கு ஏதாவது சங்கடங்கள் வரும் போது யாராவது சந்தோஷமாச் சிரிங்கன்னு சொன்னா … என்ன தோணும்?? என்ன இது சின்னப் புள்ளத்தனமா இருக்கேன்னு தோணாதா??

ஆனா வள்ளுவர் மட்டும் எப்படி இடுக்கண் வருங்கால் சிரிங்கன்னாரு??

ஒரு வேளை இந்த LAUGHTER THEREOPHY அது இதுன்னு ஏதாவது அந்தக் காலத்திலேயே நெனைச்சி சொல்லிட்டாரோ!!! இருக்கலாம்.. யார் கண்டது??

எல்லாம் நன்மைக்கேன்னு இருக்கிறது ரொம்ப நல்லது. எது நடந்தாலும் சரி… எதுவுவே நடக்கலைன்னாலும் சரி…எல்லாம் நல்லதுக்குன்னே இருக்கிறது… ரொம்பவும் பக்குவமான நிலை..

சோகத்தின் உச்சியில் இருப்பவர்க்கு தெம்பூட்ட சொல்லப்படும் ஒரு கதை இதோ..(ஏற்கனவே கேட்ட கதை தானோ??)

காட்டில் ஒரு இளைஞனை சிங்கம் துரத்துகிறது. ஓடினான்.. ஓடினான்… ஒரு பாழுங்கினற்றின் ஓரத்தில் இடறி விழுந்தான்… விழும் போது ஒரு வேர் கையில் கிடைக்க அந்தரத்தில் தொங்கினான். கிணற்றின் கீழ் மதம் பிடித்த யானை… நீ கீழே
விழுந்தால்.. ஒரே மிதி என்று பிளிறுகிறது. மேலே சிங்கம்.. மேலே வா.. எனக்கு விருந்து நீ தான் என்று சிலிர்க்கிறது. அந்த நேரத்தில் ஒரு அணில் வேறு அந்த வேரைக் கடித்து வருகிறது…

எல்லாம் ஒரே சாபமான செயல்கள் தான்… எதிர்பாராத விதமாய் ஒரு மரத்து தேன் துளி வந்து அந்த இளைஞனின் உதட்டில் விழுகிறது… வரம் போல்..

அந்த நேரத்திலும் தேனை ரசிக்கச் சொல்லுவது தான் வாழ்வின் ரகசியம்..

கம்பரின் காவியத்திலும் இந்த வரமா? சாபமா? என்று கேட்கும் சம்பவம் வருது.

வேட்டைக்குப் போன தசரதன், யானை என்று நினைத்து சிரவணனை அம்பு எய்து கொல்கிறான். விபரம் தெரிந்த சிரவணனின் குருட்டுத் தந்தை சாபம் தருகிறார். “நீயும்
இப்படி மகனை இழந்து துடிப்பாய்” என்று.
இதை கேட்டு தசரதனுக்கு ஒரே குஷி… “எனக்கு குழந்தை பிறக்கப் போவுது” ன்னு “எம் பொண்டாட்டி.. நிஜமாவே ஊருக்குப் போயிட்டா” என்று ஜனகராஜ் குதிப்பது போல் குதித்தாராம் அந்த ராஜா…

சாபம் வரமான கதை எப்படி இருக்கு??

இதில் இன்னொரு முக்கியமான விஷயம் என்ன தெரியுமா??

இந்த சாபம் வரமான தகவலை ராஜா தன்னோட முதல் பொண்டாட்டிக்கே ராமன் காட்டிற்கு போகும் போது தான் சொல்கிறார்.

எல்லாத்தையும் பொண்டாட்டியிடம் கொட்டித் தீர்க்கும் ஆண் மக்களே… கொஞ்சம் கவனிங்க…

இவ்வளவு படிச்சவங்க அந்த பாட்டையும் கொஞ்சம் படிங்களேன்.. ப்ளீஸ்..

சிந்தை தளர்வுற்று அயர்தல் சிறிதும் இலெனாய் இன்சொல்
மைந்தன் உளன் என்றதனால் மகிழ்வோடு இவண் வந்தனெனால்
அந்த முனி சொற்றமையின் அண்ணல் வனம் ஏகுதலும்
எம்தம் உயிர் வீகுதலும் இறையும் தவறா என்றான்.

கம்பனின் கலக்கல் இன்னும் வரும்…

அது சரி…..இந்த மாதிரி போஸ்டிங்க் விடாமெ தொடர்ந்து வருதே…

இது வரமா??? சாபமா??

ஆயிரம் தான் சொல்லுங்க…


என்ன தான் கோடி…மில்லியன்…பில்லியன் என்று வந்தாலும் இந்த ஆயிரம் என்பதற்கு நல்ல மவுசு இருக்கத்தான் செய்யுது..

ஆயிரம் காலத்துப் பயிர் என்று கல்யாணத்தை சொன்னவர்கள் ஏன் பத்தாயிரம் காலத்துப் பயிர் அல்லது கோடி காலத்துப் பயிர் என்றோ கூறவில்லை???

யோசிக்க வைக்கிறதே…!!!!

குற்றாலம் அழகு… அதிலும் அந்த அருவி..அழகோ அழகு… அதை
பாக்கவே..ஆயிரம் கண் போதாது என்று ஒரு பாடல் வரிகள் வந்து
அந்த ஆயிரத்துக்கும் மவுசு ஏத்துது..

உலகம் ஆயிரம் சொல்லட்டுமே..உனக்கு நீதான் நீதிபதி… இது TMS கணீர் குரலில்
ஒலிக்கும் தத்துவப் பாடல்..

ஆயிரம் Underline செய்து படிக்கவும்.

சரி TMS அப்படி என்றால்… SPB கதையே தனி.. ஒரு நிலவைப் பாத்து ஓராயிரம் நிலவே வா என்று பாடி பல்லாயிரம் இதயங்களை இன்னும் நெகிழ வைத்து வருகிறார்.

சூரியனை மறைக்க ஆயிரம் கைகள் வருமா?? பதிலாய் வருமே நம்ம
வாத்தியார் பாட்டு..ஆயிரம் கைகள் மறைத்து நின்றாலும் ஆதவன் மறைவதில்லை…

பாரதிராஜாவின் மனத்தோட்டத்தில் ஆயிரம் தாமரைமலர்கிறது.. ஆனந்தக் கும்மியும் கொட்ட கெஞ்சுகிறது.

மதுரையின் ஆயிரம் கால் மண்டபம் வரலாற்றில் ஆயிரமாயிரம் கதை சொல்லும்.

அந்த காலத்து ஹிட் படம் ஆயிரத்தில் ஒருவன்..அதே பேரில்
இப்ப வந்த படமும் ஹிட் தான்..

ஆனால் உண்மையில் ஆயிரத்தில் ஒருவன் யார் தெரியுமா?? சடையப்ப
வள்ளல் தான். கம்பனை ஆதரித்த வள்ளல். நண்பரும் கூட..

அவரைப்பற்றித் தான் ஆயிரம் வரிகளுக்கு ஒருமுறை சடையப்பரைப் பற்றி பாட..அதுதான் உண்மையான ஆயிரத்தில் ஒருவன் என்ற வரி வரக் காரணம்.

அப்படியே கம்பர் ஒரு ஆயிரத்தை எப்படி கையாள்றார்னு பாக்கலாமா???

சீதையை பிரிந்து இராமன் வருந்தும் காலம். வழியில் ஜாலியாய்த் திரியும் மயிலைப்
பாக்கிறார்..இதற்கு முன்னால் இப்படி மயில்கள் இருக்காதாம். ஏன் தெரியுமா??

சீதையின் சாயலைப் பாத்து தோத்து வெட்கி பயந்து ஓடிப் போயிடுமாம்..

இப்போ சீதை இல்லாத காரணத்தால் இப்படி ஜாலியா ஆட்டம் போட்றீகளா?? –

இது ராமன் கேட்கும் கேள்வி.

மயில் தோகை பார்க்கிறார் கம்பன்…ராமன் வழியாய் வார்த்தைகள் வருகின்றன…

ஆயிரம் கண்கள் உள்ள (தோகை வைத்த) மயில்களே…. சீதையை எங்கே
கொண்டு சென்றார்கள் என்ற சேதி ஒரு கண்ணுக்குமா தெரியாமப்
போச்சு..சொல்லுங்களேன்..என்கிறார்..

பாட்டு இது தான்:

ஓடாநின்ற களிமயிலே சாய்ற்கு ஒதுங்க்கி உள்ளழிந்து
கூடாதாரின் திரிகின்ற நீயும் ஆகம் குளிர்ந்தாயோ
தேடானின்ற என் உயிரைத் தெரியக் கண்டாய் சிந்தை யுவந்து

ஆடாநின்றாய் ஆயிரம் கண் உடையாய்க் கொளிக்குமாறுண்டோ.

ஆயிரம் தான் சொல்லுங்க…கம்பர் கம்பர் தான். சான்ஸே இல்லெ.

கருப்பு தான் எனக்குப் பிடிச்ச கலரு


 கருப்பு தான் எனக்குப் பிடித்த கலரு என்று ஒரு பாட்டு பாடி அனுராதாஸ்ரீராம் சினிமாவுக்குள் எண்ட்ரி ஆயிட்டாங்க… [ஆனா அவங்க கலர் ஒன்னும் கருப்பு கிடையாது… நல்ல கலர் தான்].  ஆனா அந்தப் பாட்டில் கருப்பா இருக்கும் எல்லாத்தையும் புடிச்சி ஒரு பெரிய்ய்ய்ய லிஸ்டே போட்டிருப்பாங்க…

எல்லாத்தையும் தூக்கிக் சாப்பிடும் ஒரு டயலாக் வடிவேல் காமெடியில் வரும் அவன் பயங்கர கருப்பா இருப்பான் ஆனா நீ கருப்பா பயங்கரமா இருக்கே…

எது எப்படியோ கருப்புக்கு நம்மாளுங்க இவ்வளவு வக்காலத்து வாங்கினாலும் மார்க்கெட்டில் அதன் வேல்யூ கம்மி தான். அது கல்யாணமாய் இருந்தாலும் சரி வேறு எதுவாய் இருந்தாலும் சரி..

சுனாமி வந்த ஞாயிறை கருப்பு ஞாயிறு என்று தான் சொல்கிறார்கள்… சுனாமியை நேரில் பாத்த நமக்கு அப்படி ஒன்றும் அது அவ்வளவு கருப்பானதாய் தெரியலை…

இங்கே ஒரு கருப்பு பத்திய கம்பேரிஷன் வருது.. கொஞ்சம் பாக்கலாமே…

  1. அது தொட்டு உணரக் கூடியதாய் இருந்தது
  2.  ஒரு விம் பார் போட்டு கழுவினா… பாத்திரமே விம் பார் மாதிரி ஆயிடுமாம்.. (அடே.. இதுவும் ஒரு கின்னஸ் ரெக்கார்ட் மாதிரி இருக்கே… )
  3. பல கருப்புத் தூண்கள் மாதிரி
  4.  ஒரு மரத்தை வெட்டுவது மாதிரி (தேவைப்பட்டால்) வெட்டக் கூடியதாய் இருந்திச்சாம்…
  5.  இத்தனைக்கும் பின்னாடி… பாக்குறதுக்கு சூப்பரா …இனியதாய் இருந்திச்சாம்…

இது எப்படி இருக்கு???

சிதையைப் பத்தி கேட்ட மாத்திரத்தில் ராவணன் வீட்டில் வந்த இருள் இப்படி இருந்ததாம்…

ஒரு சின்ன திருத்தம்… வந்த இருள் அல்ல… வரவழைக்கப் பட்ட இருள்…..

ஆமா… நான் ஆணையிட்டால் அந்த பிறை மறைந்து விட்டால் … ரேஞ்ச்சில் இராவணன் பாடாமல் ஆணை இட, பிறை அப்படியே மரை கலண்டு போய் ஓட…இருள் வந்ததாம்… இது கம்பனின் கற்பனை…

 இதெல்லாம் எங்கே கம்பன் சொன்னான் ??? சும்மா சரடுன்னு .. யாராவது கேக்கிறீங்களா…??

அப்போ பாட்டும் போட்டுடறேன்… அரத்தம் புரிஞ்ச்சா படிங்க…இல்லாட்டி… அடுத்த போஸஸ்டிங்க் படிங்க…

ஆண்டு அப்பிறை நீங்கலும் எய்தியது அந்தகாரம்
தீண்டதற்கு எளிது ஆய் பல தேய்ப்பன தேய்க்கல் ஆகி
வேண்டின் கரபத்திரத்து ஈர்த்து விழுத்தல் ஆகி
காண்டற்கு இனிதாய் பல கந்து திரட்டல் ஆகி

கதை கந்தல் ஆன மாதிரி ஏதோ கம்பர் சொல்ற மாதிரி இருக்கு இல்லே…???

 மீண்டும் சந்திப்போம்

பாசக்காரப் பயலுவ


கார்த்திக் & ரமேஷ் கண்ணா டீம், செம காமெடி செய்வார்கள் ஒரு கோவிலுக்குள்.. ஞாபகம் இருக்கா??

கார்த்தி கையில் திருடின ஒரு உண்டியல். சாமி முன்னாடி விபூதி வச்சி ஒரு வட்டம் போடுவார். உண்டியல் காசெல்லாம் தூக்கி போட்டு, வட்டத்துக்குள் விழும் காசு எல்லாம் சாமிக்கு. மிச்சம் மீதி கொஞ்ச்சமா ஏதோ இருந்தா ..அது எனக்கு..

அதுக்கு பதிலுக்கு… ரமேஷ், சாமி .. உன்னையெல்லாம் ஒரு வட்டத்துக்குளே கொண்டு வர நான் விரும்பல்லே.. நானு எல்லாத்தையும் தூக்கி போட்றேன். உனக்கு வேணும்கிற எல்லாத்தையும் எடுத்துக்க.. எனக்கு ஏதோ கொஞ்ச்சம் குடு என்பார்..

சாமியை ஆசாமிகள் படுத்தும் பாடு…. படாத பாடு தான்.

சமீப காலமா கோவில் குளங்க்களில் கூட்டம் அதிகமா தென்படுது.. அதுவும் சிறப்பு பூஜைளில் சனி பகவான், குரு பகவான் இத்யாதி பூஜைகள் இன்னும் தடபுடலா நடக்குது.. வழிபாடுகளை விட பிராயசித்த தலங்கள் தான் இப்போ ரொம்ப பாப்புலர்.

என்ன வென்னாலும் தப்பு பன்னலாம். காசிக்குப் போய் அக்கவுண்டை Nil Balance க்கு கொண்டு வரலாம்கிற நம்பிக்கை நம்ம மக்கள் கிட்டே சூப்பரா பதிஞ்ச்சி போச்சு…

சமீபத்திய பிரதோஷம் அன்று அரக்கோணத்தில் இருந்தேன். கோவில் பக்கம் தலை காட்டப் போனா.. அது ஏதோ மகளிர் மாநாடே நடக்கிற மாதிரி… எங்கும் மகளிர் மயம்.. இரு பாலரும் வழிபட்ட பூஜை சமீப காலமா எப்படி மகளிர்க்கு போச்சி???.

இதுவும் சமீபத்திய மாற்றம் தான்..

வேண்டுதலில் பல ரகம்… பலர் கோவிலுக்கு போய் சாமி கிட்டே அகிரிமெண்டே போடுவாங்க… ஆனா ஒண்ணு… சொன்னதே கரெக்ட்டா செஞ்ச்சிடுவாய்ங்க.. இல்லாட்டி சாமி கண்ணு குத்திடாது??? அந்த பயம் மட்டும் தான் அந்த காலம் தொட்டு மாறாம இருக்கு.

ஆசாமி சாமியிடம் வேண்டுவது இப்படின்னா… ஓர் ஆசாமி..ஆசாமியிடம் வேண்டுவது பத்தி கொஞ்சம் பாக்கலாமா??

இதுவும் ஒரு பாசமலர் கதை தான்.. எந்த அண்ணன் தங்கை கதையாய் இருந்தாலுமே..அண்ணன் தங்கையிடம் ஏதாவது வேணுமான்னு கேக்கும். அதுக்கு ஒன்னோட பாசம் தான் பெருசு.. வேறு ஒண்ணுமே வேணாம்கிற மாதிரி
வரும்.

ஆனா ஒரு சேஞ்சுக்கு வித்தியாசமாய் தங்கை கேட்கும் இடம் வருது… கேக்கிறதுக்கு முன்னாடி கொஞ்சம் பிட்டு வேறே போடுது…

அண்ணா பெருசா உள்ளதை நீ வச்சிக்க… இத்துனூண்டா உள்ளதே எனக்குக் குடு..

இந்த உலகமாதா பெரிய்ய தாதா மாதிரி ஒரு பெரிய்யய பெல்ட் பொட்டிருக்காம்.. அது தான் கடலாம். பெல்ட்ன்னு சொன்னா கொஞ்சம் டிசைன் வேணுமே…இருக்கே..அதான் மீன்.

அது சரி..திடீர்னு உலகம் எதுக்கு?? அந்த உலகமே அன்னாந்து பாக்கிற ஒரு சங்கதி…ஒரு பெண்.. அவளோட முடிகூட தள்ளாடுமாம்… ஏன் தெரியுமா?? அவ பூ வச்சிருக்கா… பூ தேன் வச்சிருக்கு… அதிலிருந்து தேன் வடிஞ்சி அதை அந்த முடி சாப்புட்டு போதையில ஆடுதாம்…

அப்புறம் வழக்கம் போல் சின்ன இடை… அந்த மான் மாதிரி அழகி… அவளை நீ வச்சி விளையாடு.

ஆனா அவ கூட ஒரு பொடியன் இருக்கான்… நீ தான் வீரனாச்சே … நீ வீரன்னு எனக்கு தெரியும். உலகம் தெரிஞ்சிக்க வேணாமா???  அந்தப் பொடியனைப் பிடிச்சி எனக்கு விளையாடக் குடு.

கேட்ட அந்த பாசக்காரப் பயலுக யார் யார் தெரியுமா??

சூர்ப்பநகை & இராவணன்..

 சீதை & ராமனைக் குறித்து சூர்ப்பனகை  கேட்டது என்பது தான் தெரிஞ்ச்சிருக்குமே..

இதோ கம்பரின் வரிகள்:

மீன் கொண்டு ஊடாடும் வேலை மேகலை உலகம் ஏத்த
தேன் கொண்டு ஊடாடு கூந்தல் சிற்றிடை சீதை என்னும்
மான் கொண்டு ஊடாடு நீ உன் வான் வலி உலகம் காண
யான் கொண்டு ஊடாடும் வண்ணம் இராமனைத் தருதி என்பால்.

இந்தியா முழுக்க லோக் பால் பத்தி யோசிக்க.. நானு இந்த என்பால் பத்தி  யோசிக்கிறேன்…

மீண்டும் வருகிறேன்

குத்து வசனம் …. பஞ்ச் டயலாக்…


சாதாரனமாக வசனம் என்று பேசப்பட்ட ஒரு சங்கதி இப்போது, பஞ்ச்…டயலாக்…, குத்து வசனமாக  மாறி விட்டது. அந்தக் காலத்துலெயும் இந்த மாதிரி குத்து வசனங்கள் இருக்கத்தான் செஞ்சது.

ஓடினாள் ஓடினாள்…இப்படி யாராவது ஆரம்பித்தால், வாழ்க்கையின் ஓரத்துக்கே ஓடினாள் என்று கண்டிப்பா யாராவது முடித்து விடுவார்கள்.. அந்த அளவுக்கு பாப்புலரான வசனம் அது.

சபாஷ் சரியான போட்டி என்பது இந்த ரகம் தான்.

லேட்டா வந்தாலும் லேட்டஸ்ட்டா வருவேன்…

நான் ஒரு தடவை சொன்னா 100 தடவை சொன்ன மாதிரி…

சிங்கம் சிங்கிளா வரும் போன்றவை ரஜினி மூலம் பிரபலமான குத்து வசனங்கள்.

இரும்புக்கோட்டை முரட்டுச்சிங்கம் என்று ஒரு அசத்தல் காமெடி படம் … அதில் ஓர் ஆதிவாசி பெண் கல்யாணம் வரும். கல்யாணத்தின் பிறகு கலங்கி ஒரு டயலாக் வரும். அதை ஆதிவாசி மொழி தெரிந்தவர் மொழி பெயர்ப்பார்.

முதல் மொழிபெயர்ப்பு இப்படி வரும்: “நான் என் கண்ணையே ஒங்கிட்டே ஒப்படைக்கிறேன்”அடுத்த வரியை மொழிபெயர்த்து சொல்லும் முன்…அது எனக்கு தெரியும் “அதுல நான் எப்போவும் ஆனந்தக் கண்ணீரைத்தான் பாக்கனும்” என்று முடிப்பார்.

அட… ஆதிவாசி பாஷை தெரியுமா?? என்று முழிப்பாய்ங்க…

இந்த காலத்து வாண்டுக கூட இந்த டயலாக்கை பிச்சி உதற்றாங்க…
சமீபத்தில் என்னோட பொண்ணை போர்டிங்க் ஹாஸ்டல்லே சேத்துட்டு வரும் போது… அங்கே ஹாஸ்டலில் இருக்கும் வாண்டுகள் “அங்கிள்…உங்ககண்ணை எங்க கிட்டே குடுத்திட்டீங்க… நாங்க அதுலே ஆனந்தக் கண்னீர் வர்ர மாதிரி பாத்துக்குவோம்” னு தூள் கிளப்புறாய்ங்க… என்னத்தே சொல்ல…??

இன்னும் இதே மாதிரி பாப்புலரான ஒரு சூப்பர் டயலாக் இருக்கு….”போகனுன்னு தான் தோன்றது..ஆனா எங்கே போவனும்னு தோணலையே….நேக்கு யாரைத் தெரியும்…”

சென்னைக்குப் போய் லோல் படுவதற்கு முன்னால் விவேக் ஒரு படத்தில் அடிக்கும் டயலாக் ஒன்று…வீட்டை விட்டு போகும்படி சென்னவுடன்…அழுத முகமா வச்சிட்டு..” அப்படி மட்டும் சொல்லிடாதீங்க…எனக்கு யாரைத் தெரியும்????…”… திடீர்னு குரல் மாத்தி…”அப்படி மட்டும் சொல்லுவேன்னு பாக்காதீங்க… சென்னைக்கு போறென்” என்று வரும்…

ஏதாவது ஏடாகூடமாகவோ… அல்லது நல்லதோ சொல்லி விட்டு…இப்படி எல்லாம் இல்லை என்று சொல்லும் வித்தையில் விவேக் கலக்குவார்…

அது சரி… கொஞ்சம் இருங்க… பேஸ் புக்கில் ஒரு Notification வந்திருக்கு பாத்திட்டு வர்ரேன்…

அடடே… கம்பர் ஒரு போஸ்ட் செஞ்ச்சிருக்கார்… ஓ கே… இந்த விவேக் மேட்டரையும் கம்பர்கிட்டே கேக்கலாமே… இந்த சித்து விளையாட்டை அவர் செஞ்ச்சிருக்க மாட்டாரா என்ன???

கேட்டவுடன் பதில் வந்தது…

கம்பன்ன்ன்டா….

இராவணனுக்கு ஏதாவது ஆப்பு வைக்கனும்னா…அது யாரால முடியும்?? இது கேள்வி.

பதிலுக்கு கம்பர் சொல்லும் பதில் என்ன தெரியுமா???

புலித்தோலை சர்ட் மாதிரி மாட்டியிருக்கும் சிவன்
பீதாம்பரம்..அதுவும் பொன்னாலானது…ஆடையா வச்சிருக்கும் விஷ்ணு..
தாமரைப் பூவில் குந்தியிருக்கும் பிரம்மன்
இவங்களால் தான் ஆப்பு வைக்க முடியும்…என்னு நெனைச்சா…அது
தான் இல்லை.

கம்பர் பண்ற சேட்டை பாத்தீங்களா???

பாட்டும் பாக்கலாமா??

புலியின் அதன் உடையானும் பொன்னாடை புனைந்தானும் பூவினானும்
நலியும் வலத்தார் அல்லர்;

இந்த அல்லர் இல்லாம படிச்சா… வேற அர்த்தம்…அதோடு படிச்சா வேறு ஒரு அர்த்தம்…

கம்பர் கூட அந்த காலத்தில் விவேக் மாதிரி காமெடி செஞ்ச்சிருக்காரே…

இன்னும் தேடுவேன்…

ஒரு தலைக்காதல்


எத்தனை முறை கேட்டாலும் சளைக்காத பாடல்கள் பழைய சினிமா பாடல்கள்…. அதுவும் எல்லா லைட்டையும் அணைத்துவிட்டு ரம்மியமாய் குளிரும்படி ஃபேன் ஓட விட்டு லேசா கண்ணை மூடி பழைய பாட்டு கேட்டு பாருங்க… ஒரு கிறக்கமே வரும்.

என்ன… தூக்கம் வருமா???

மனுஷன் தூக்கம் வர்ரதுக்கு என்னென்னொமோ பண்றான்… தூக்கம் வந்துட்டா வந்துட்டுப் போகுது???

செந்தமிழ் தேன் மொழியாள் … பாட்டு.. எப்போ கேட்டாலும் இனிக்கவே செய்யுது… வார்த்தைகளுக்கு அடி பணிந்து நிற்கும் இசை தான் இதுக்கு காரணமா இருக்கலாமோ…

ரஹுமான் பாட்டும் மெலோடிகள் மட்டும் காலத்தை விஞ்சி நிக்கிறதுக்கும் இதுவும் ஒரு
காரணமா இருக்கலாமோ…

அது ஒரு பக்கம் இருக்கட்டும்… நாம மறுபடியும்… செந்தமிழ் தேன்மொழியாளுக்கு
போவோம்…அதுலே ஒரு வரி வரும் ..

பெண்ணுக்குப் பெண்ணே பேராசை கொள்ளும் பேரழகெல்லாம் படைத்தவளோ!!!

நாயகனின் காதலி அழகி… அதிலும் பேரழகி. அவளைப் பாத்தா எல்லா ஆண்களுக்கும் ஆசை வரும்.. அது மட்டுமா..?? அவளைப் பாத்தா பெண்களுக்கும் கூட ஆசை வருமாம்…

ஒரு பெண் எவ்வளவு தான் அழகா இருந்தாலும்.. இன்னொரு பெண்ணுக்கு பிடிக்காது.. இது தான் உலக நியதி… அதையும் மாத்தி யோசிக்கிறாங்க நம்ம கவிஞர்கள்…

Objection TNK…

எவ அவ…

இன்னொரு Objection…. நான் அவ… இல்லை…அவர்.

கம்பர் என் பேர்…

“ஏன் அடிக்கடி நானு ஏதாவது கலாய்க்கிறப்போ வர்ரீங்க??”

என்னோட மேட்டர் எடுத்து உட்டா நான் வர மாட்டேனா..??  ஏதோ அந்தக் காலத்துலே காப்பி ரைட் இல்லை…அதனால அப்பொப்போ வந்து சொல்ல வேண்டி இருக்கு…

கம்ப ராஜா…சாரி…சக்ரவர்த்தி.​.. இப்போ என்ன சொல்ல வாரீக…?. சமாதானமாய் நான்.

ஏதோ பொண்ணுக்கு பொண்ணு ஆசைப்பட்டது பத்தி எழுதிட்டே போறே..?.

ஆமா… அது என்ன தப்பா…? – இதுவும் நான் தான்.

கம்பர் தொடர்கிறார்:

இதை நாமளும் தான் எழுதி இருக்கோமில்லை… அதை படிக்காமே… பழைய பாட்டுன்னு
கதை உட்றே….. நீ மொதல்லே என்னோட பழைய்ய்ய்ய்ய்ய பாட்டு படி…அப்புறம் எழுது…

ஐயா கம்பரே..இவ்வளவு சொல்லிட்டீக… கொஞ்சம் ஹெல்ப் பண்ணப்படாதா???

பாக்குறதுக்கும் நோக்குறதுக்கும் வித்தியாசம் தெரியுமா???

என்ன வெளையாட்டு இது கம்பரே…ஏதோ தமிழ்லே எழுதிட்டா… இப்புடி எல்லாம்
கேக்கிறதா??? தெரிஞ்சதை சொல்றேன்…

சாதரணமா  பாக்குறது..

எல்லாத்தையும்..​. மனசுலே பதியற மாதிரி பாக்குறது நோக்குதல்..

என்ன ஓகேவா???

வாத்தியார் மாதிரி கம்பர்:

ஓரளவுக்கு ஓகே தான்… நம்ம காவியத்திலே ஒரு சீன் வருது. ஒரு பொண்ணு இன்னொரு பொண்ணே பாக்குறா… நோக்குறா… ரொம்ப நேரம்…எது எது எப்படி எப்படி இருக்கனுமோ…அல்லாம் அப்படி அப்படியே இருக்கேன்னு. தெகெச்சிப் போனா… பொண்ணான என்கண்ணே வெளியே எடுக்க முடியாமே இருக்கே…ஆம்புளைங்க என்ன பாடு படுவாங்க…??

கம்பரே… இது ஏதோ…சூர்ப்பநகை சீதையெப் பாத்த கதையா இல்லே இருக்கு…!!!

அதே கதை தான்.. விடாதே பிடி…பாட்டு வேணுமா?? இதோ பிடி… ஆளை வுடு.

பண்பு உற நெடிது நோக்கிப் படைக்குநர் சிறுமை அல்லால்
எண் பிறங்கு அழகிற்கு எல்லை இல்லை ஆம் என்று நின்றாள்
கண் பிற பொருளில் செல்லா கருத்து எனின் அஃதே கண்ட
பெண் பிறந்தேனுக்கு என்றால் என்படும் பிறருக்கு என்றாள்.

மீண்டும் கலாய்ப்போம்.

கிண்டல்கள்….கவிதைகள்..கள்…கள்…கள்….


கவிஞர் வாலிக்கு வயது ஆனாலும் அவரது வார்த்தைகள் என்றும் இளமையா இருக்கும்… அவரோட பழைய கவிதை. காதலி எழுதிய கடிதம் படித்து காதலன் எழுதுவது….இதோ (பொய்க்கால் குதிரைகள் தொகுப்பில் வந்தது. அக்னி சாட்சி படத்திலும் வந்த ஒன்று அது)

படித்தேன் படித்தேன் கடிதம்
அடடா வரிகள் அமுதம்
பேப்பர அரங்கம் முழுதும் –
உந்தன்
பேனா முனையின் நடனம்.

சாதாரணமா துளி தேன்..அவ்வளவு சுவை..படி நிறைய தேன் எப்படி இருக்கும்??

அதே போல் கள் & அமுதம் இரண்டும் சேர்ந்து கொடுக்கிறார்கள்..
கள் அதிகம் குடிக்கலாம்… அதிக நாள் உயிர் வாழ முடியாது..
அமுதம் கொஞ்சமா குடிச்சாலே அதிக நாள் உயிர் வாழலாம்..

கள் அமுதம் என்றால்…போதையும் இருக்கும்..அதிக நாள் இருக்கலாம்…மோகம் முப்பது நாள் ஆசை அறுபது நாள் எல்லாம் இங்கே கிடையாது… என்ன மாதிரியான கிண்டல் பாத்தீங்களா??

சரி அது அப்படியே கிடக்கட்டும். சமீபத்தில் முகநூல் ஒன்றில் படித்தது:

உன் முகம் profile photo போல்
இருக்கும் என்று நினைத்தேன்
ஆனால்..அது
வாக்காளர் அட்டையில்
உள்ள படம் போல் இருக்கே…???

இது கிண்டல் தானே???

ஒரு நண்பர் கேட்டார்… நீங்க இருப்பது லிட்டில் அந்தமான்…அதாவது சின்ன அந்தமான். அந்தமானில் உள்ளவர்கள் சின்ன வீடு வேண்டுமென்றால் அந்த சின்ன அந்தமானுக்கு வருவாங்களா?? என்றார்.
இடைவெளியே விடாமல்..அப்போ சின்ன அந்தமானில் இருப்பவங்க எங்கே போவாங்க?? என்றும் கேட்டார்…

கிண்டல் என்பது அவருக்கு கைவந்த… இல்லை.. இல்லை… வாய் வந்த கலை.

டிங்க்டிங்க்டிங்க்……

என்ன இது ஃபோன்…??

ஒரு நிமிஷம்.. நம்பர் இல்லாத கால்….

வணக்கம்…கிருஷ்ணமூர்த்தி..
வணக்கம்.. நீங்க???

போன் குரல்: கம்பர் இப்பக்கம்….ஏதோ கிண்டல் பத்தி கிண்டல் பண்றதா தெரிஞ்சது…

நான்: (மூக்கிலே வேத்திடுச்சா…) நீங்க சீரியஸா..10000 பாட்டு எழுதி இருக்கீங்க… எதுக்கு உங்களை வம்புக்கு இழுக்கனும்னு தான்??

போன் குரல்: இந்த தடவை பாட்டு நம்பர் சொல்றேன்: நீ ஒன்னோட ஸ்டைல்ல எழுது. சூர்ப்பணகைப் படலம் – பாடல் 357…

டொய்ங்க்ங்க்ங்க்

(இணைப்பு துண்டிக்கப்பட்டு விட்டது)

அடடே..அங்கே..செம கிண்டல் ஒண்ணு கீதப்பா… கம்பரா..???  கொக்கா???

சூர்ப்பணகை இலக்குவனோடு சேத்து வைக்க எவ்வளவோ கேக்கிறா… ராமன் கிட்டே…

ராமன் என்ன மாமாவா??? அண்ணன்… அல்லவா?? தப்பான ரூட்…

கடைசியில் சூர்ப்பணகைக்கு ஒரு ஐடியா வருது… நேரே ராமனைப் பாத்து,

ராமனே…எல்லாத்துக்கும் முடியாதுன்னு சொல்லிட்டே…என்னையே ஒரு handicaped quota வில் கன்சிடர் செய்யலாமே – என்கிறாள்..(மூக்கு இல்லாத காரணத்தால்).

ராமனுக்குப் புரியவில்லை… மூக்கை இழந்தவள் மூளையே பிசகி விட்டதா என்று… அரக்கியே இது கோட்டாவே இல்லாத காலம் ஆளை விடு…என்கிறான் ராமன்..

ஏ..ராமா… பொய் சொகிறாய் நீ… நான் என்னவோ..10% தான் ஊனமானவள்…
ஆனால் நீ 100% ஒரு உறுப்பை ஊனமானவளை கூடவே வைத்துள்ளாயே??

ராமனுக்கு புரியவில்லை….

சூர்ப்பணகை தொடர்கிறாள்…”உன் சீதையைப் பார் … இடையே இல்லையே..”

இது எப்படி இருக்கு?? கிண்டலின் உச்சமா இல்லே…

இளையவன் தான் அரிந்த நாசி ஒருங்கு இலா இவளோடும்
உறைவெனோ என்பானேல் இறைவ ஒன்றும்
மருங்க்கு இலாதவளோடும் அன்றோ நீ
நெடுங்காலம் வாழ்ந்தது என்பாய்.

தேடல் தொடரும்…

சுகமான சுமைகள்…


இந்த கல்யாணம் இருக்கே… ஆகலைன்னாலும் கவலை.. ஆனாலும் கவலை.. அந்த இரண்டாம் ரகம் சுகமான சுமை.. ஆனா  தலைமுடி எப்படி?? அதுவும் சுமை தான்.

மயிர் நீக்கின் உயிர் நீக்கும் கவரிமான் என்பார்கள். அது என்ன? மயிர் என்றால் அவ்வளவு உயிரா அதுக்கு??

இந்த முடி என்பது ஆண்பால் என்றே நினைக்கிறேன். பெண்களுக்கு கூந்தல் என்று இலக்கிய சொல் இருப்பது மாதிரி ஆண்களுக்கு ஏதாவது நல்ல சொல் இருக்கான்னு தேடித்தான் பாக்கனும்.

 என்னதான் ஆணுக்கு நிகர் பெண் என்று சொன்னாலும் கூட சில விஷயங்களை பெண்கள் செய்வது கொஞ்சம் சிரமம் தான். நான் சுஜாதா சொன்ன மேட்டருக்கு வரலை. இது முடியும் முடி சார்ந்த விஷயமும் தான். தனியாக ஒரு பெண், தனது பையனை அல்லது தம்பியை (why not a boy friend??) கூட்டிப் போய் முடி வெட்டி வருவது என்பது நெருடலான விஷயம் தான். இதை ஒரு படத்தில் (ரிதம் என்று நினைக்கிறேன்) ஹீரோயின் (மீனாவா??) அப்படியே தத்ரூபமாய் நடித்துக் காட்டி இருப்பார்.

 ஒரு காரியத்தை செய்யலாமா கூடாதா என்ற குழப்பம் இருக்கும் போது அதிகம் பேர் சொல்லும் வாக்கியம் இதுவாய்த்தான் இருக்கும். மயித்தைக் கட்டி மலையை இழுப்போம். வந்தா மலை. இல்லாட்டி மயிரே போச்சின்னு போயிரலாம். ஆஹா… மயிர் வைச்சி என்ன ஒரு சூப்பர் மேனேஜ்மெண்ட் டெக்னிக்..!!!

 எப்படியாவது MA முடித்தாக வேண்டும் என்பவர்களின் அட்சய பாத்திரம் தான் தொலைதூரக் கல்வி. அதிலும் பல ஆசிரியர்களின் தெரிவு  MA தமிழ் தான். இப்படி கணக்கு வாத்தியாராய் இருந்து தமிழ் எடுக்க வந்து சேர்ந்தார் நான் படிக்கும் பிளஸ் ஒன் வகுப்புக்கு. ஒரு சமணத்துறவி கூந்தல் தரையில் விழ வருவதாய் பாட்டு. விளக்குகிறார் அவர்.

நான் பக்கத்து மாணவனிடம் கிசுகிசுத்தேன்… அதெப்படி கடைசி பெஞ்சில் மட்டும் எல்லா வாத்தியார்களுக்கும் கண்ணு இருக்குமோ??

 எந்திரி.. என்ன?? என்றார்.

நான் கேட்டேன். சமணத்துறவிகள் மொட்டை அடித்திருப்பர். இது பாட்டு தப்பா இருக்கே?? எப்படி சாத்தியம்??

அப்பொத்தான் MA தமிழ் முடித்தவர் முழித்தார்… அடுத்த நாள் புலவர்களிடம் கேட்டு சொதப்பலாய் பதில் வந்தது. ஆனா அன்று முதல் நான் வகுப்பில் ஹீரோ என்ற “முடி”வானது.

மயிர் என்பது. வயசைக் காட்டும் வயதுமானி.

காலன் அனுப்பிய தூதன் என்று கவிக்கோ அப்துல் ரகுமான் சொல்லி இருப்பார்.

ஒரு படத்திலும் கூட விவேக் கண்ணாடியில் முன்னாடி ஒரு நரை வர… ஆஹா இளமையை அனுபவிக்கவில்லையே என்று புலம்ப… அப்புறம்…அது தான் உங்க எல்லாருக்கும் தெரிஞ்ச கதையாச்சே??? சினேகிதர்களே… என் (ரகசிய) சினேகிதர்களே!!!

 நாம ஒருபக்கம் நுகர் பொருள் கலாச்சாரத்தில் விழுந்து புரண்டாலும், விழுந்து கிடந்து கும்பிடுவதில் சரனாகதி தத்துவம் மிளிரும். அதே போல் சரனாகதியின் உச்சம் தன்னை இழத்தல். தன் மயிரை இழத்தல். ஒரு முடி முடிசூடிய மன்னனின் வாழ்க்கையையே புரட்டிப் போடும் காலத்தில், முடி காணிக்கை இறைவனுக்கு தருவது பெரிய்ய செய்தி..

வாழ்க்கையில் ஒன்றும் இல்லை என்பதை மொட்டை அடித்துக் காட்டுவதை விட வேறு எப்படி காட்ட முடியும்??

 சூரத் SVNIT பேராசிரியர் ஒருவரை சமீபத்தில் பாத்தேன்.. நம்ம தேவாரம் மாதிரி முரட்டு மீசை.. பள பள மொட்டை.. என்ன ஒரு காம்பினேஷன். இது மைனஸ் மீசை = அட நம்ம சோ..

 பெங்களூரில் காலங்காத்தாலே மசுரு மசுரு என்று கூவி விற்பதைப் பாத்து அரண்டு போனேன்… பாத்தா தயிரோ மோரோ விற்கிறார்கள்… கொஞ்சம் தள்ளி ஆந்திரா திருப்பதிக்குப் போனா… அங்கே முடி வியாபாரத்தில் கோடி கோடியாய் வருமானம் ஈட்டுகிறார் நம்ம பாலாஜி..

 சமீபத்தில் முகநூலில் தலைவர்களை மயிர் கூச்சரியும் வகையில் கேள்வி கேட்டு முடி வெட்டியதாய் ஜோக்காய்   வந்து கொண்டிருந்தது.

இந்த இடத்தில் கம்பர் ஆஜர் ஆகிறார்…

 நீ ஏம்பா இப்படி தலையைப் பிச்சிகினு கீறே…?? நம்ம பாட்டை எடுத்து உடுப்பா.. அந்தாண்டே…

நெரே பிளைட் பிடிச்சிப் போய்… மேகத்தை கொஞ்சம் வெட்டி எடுத்து வரனுமாம்.. (ஏதோ கட்டி தங்கம் வெட்டி எடுத்துன்னு பாட்ற மாதிரி இல்லே???) கட்டியா இருக்கிற தேன் கொஞ்சமா செண்ட் இத்யாதி வாசனை திரவியங்கள் சேக்கனுமாம்.. அப்புறம் இருள் இருக்கே இருள் அதையும் சேத்து (அட அது தாங்க கருப்பு கலர் டை) நல்ல கொழைச்சி பிழியனுமாம்.. அப்புறம் அதை ஒட்டு மொத்தமா ஒண்ணா சேக்கனுமாம். கூந்தல் குரூப் என்று சொல்லலாமாம். அதை ஒரு தலைமேல் வைக்கனுமாம். அப்படி இருந்த கூந்தல் அந்த தலைக்கே ஒரு சுகமான சுமையாக இருக்குமாம்…

யாரோட கூந்தல் பத்தி கம்பர் இவ்வளவு சொல்லிடப் போறார்??. அட நம்ம ஹீரோயின் சீதையோட கூந்தல் இப்படி இருக்காம். எப்படி இருக்கு??

காரினைக் கழித்துக் கட்டி கள்ளினோடு ஆவி காட்டி

பேர் இருட் பிழம்பு தோய்த்து நெறி உறீஇ பிறங்குகற்றைச்

சோர்குழல் தொகுதி என்று சும்மை செய்தனையது அம்மா

நேர்மையைப் பருமை செய்த நிறை நறுங் கூந்தல் நீத்தம்.

கை இல்லா ரவிக்கையை சுஜாதா ரவிக் என்று சொல்லுவார்… அதிகமான சுமையை கம்பர் எப்படி சொல்றார் தெரியுமா???

 சும்மை… சும்மா… சூப்ப்ப்ப்ப்பரில்லே…

நாளை சந்திப்போமா???

முத்துக்குளிக்க வாரீயளா…


இது அனுபவி ராஜா அனுபவி.. படத்தில் வரும் செம ஹிட்டான பாட்டு.

நெல்லைத் தமிழில் நாகேஷ் கலக்கு கலக்கு என்று கலக்கும் படம் அது. தமிழ் ஒவ்வொரு ஊர் பக்கமும் எப்படி பேசப்படுது என்பதை சினிமாக்கள் தான் நமக்கு தெரிவிக்கின்றன.

நானு கோவை ஹாஸ்டலில் இருக்கறச்சே மதுரையின் இங்கிட்டு அங்கிட்டு என்பதை செமையாய் கேலி செய்வார்கள்.

டும் டும் படத்தில் வரும் நெல்லை தமிழ் ஓரளவு தேவலாம். (ஒரு வேளை ஜோதிகா இருக்கிறதினால் உத்து உத்து கேட்டிருப்பேனோ!!!) அச்சமில்லை அச்சமில்லை படத்தில் வரும் தமிழ் சுத்தமா புரிவதில்லை.

கோவையின் உள் பாகங்களில் பேசும் தமிழ் புரிய ஆறு மாசம் ஆகும்.

சென்னை செந்தமிழ்.. இன்னப்பா.. நீ கேளுபா..என்பது எல்லாம் மரியாதையான வார்த்தைகள் தான்.

நம்ப மாட்டீகளே…

கோன்பனேகா குரோர்பதி மாதிரி ஒரு ஹெல்ப் லைன் உபயோகிக்கலாமா??

ஓகே.. Phone up a friend..

 உங்க Friend. திருவாளர் கம்பர்.  டிடிடிடிடி டிடிடிடிடிடி டிட்டீடிடிடி டிடிடிடிடி

ை ..அமிதாப் பச்சன் போ3ல் ரஹா ஹு்  ஃபேஸ்புக்  ஸே..

ம்பர் போனில்: வாவ்.. ப4ஹுத் குஷி ஹியி ஆப் ஸே பா3த் கர்னே மே..

அமிதாப்: மேரே ஸாம்னே ஹாட் சீட் பர் ஆப்கே மித்ர கிருஷ்ணமூர்த்தி ஜீ பைட்டே ஹியே ஹை. வோ போ3ல் ரஹே ஹைன் கீ.. மதராஸ் டமில் is a respectful slang. What you say Yes or No?

Kambar over phone: My answer is in favour of Yes. Because the slang of Hanuman is similar to that of… (டொய்ன்க்க்க்க்க்)

அமிதாப்: இப்போ என்ன சொல்லப் போறீங்க…?

நான் எப்பொவுமே பெரியவாளை மதிக்கும் கட்சி… அது பெரியாரையும் சேத்து தான் சொல்றேன். கம்பர் சொல்லிட்டார்னா… நானும் ஒத்துக்கிறேன். சென்னை தமிழ் தெய்வீகத் தமிழ் தான்.

கம்பர் சொன்னா ஏதும் ஆதாரம் இல்லாம இருக்காது.. அவர் ஏதோ அனுமான் பத்தி சொல்ல வந்தாரு. லயன் கட் ஆய்டுச்சி..

அனுமன் ராமர் கிட்டே எவ்வளவு பயபக்தியா… பவ்யமா பேசுவாரு??

ஒரு சாம்பிள் பாக்கலாமா???

ராமர் கிட்டே அனுமன் பேசும் போது “நான் ஒன்னு சொல்லனும்…கேளுங்க” என்பதை, நீ….கேள் என்று மட்டும் சொல்லி எழுதுகிறார் கம்பர். “நீ கேளுபா” என்று சொல்லும் சென்னை தமிழ் மாதிரி தானே..??

ாட்டு வேணுமா???

என்றனன் இராகவன் இனைய காலையில்

ன் திறல் மாருதி வணங்கினான் நெடுங்

ுன்று இவர் தோளினாய் கூற வேண்டுவது

ஒன்று உளது அதனை நீ உணர்ந்து கேள் எனா

ஏம்ப்பா… நான் பாட்டுக்கு எழுதிகினே போறேன்… நீ பாட்டுக்கு படிச்சிகினே போறே… ஒரு லைக் கமெண்ட் போடுப்பா…

ஆங்க்… வரட்டா??