உலக நாயகன் கமலஹாசன்


வியப்பூட்டும் விஐபி – 41

அந்தமானில் என்னைச் சந்திக்க வரும் பலர் கேட்கும் கேள்வி, ”சாருக்கு எந்த ஊரு?”.

“பரமக்குடி” எனப் பதில் தந்ததும், உடன் வரும் எதிர்க் கேள்வி, “ஓ… கமல் பிறந்த ஊரா?”

அந்த அளவுக்கு, பரமக்குடி என்றாலே, கமல் என்று ஆகி விட்டது. கமல் பரமக்குடிக்கு பல தடவை வந்திருந்தாலும், நான் எட்டாவது படிக்கும் போது வந்ததை மறக்கவே முடியாது. மார்ச் 1976 என்று சமீபத்திய முகநூல் படம் சொல்கிறது.

ஜெமினி கணேசன் அவர்களும் உடன் வந்திருந்தார். இருவரையும் பரமக்குடி சௌராஷ்டிரா பள்ளியின் விழாவுக்கு அழைத்திருந்தனர். சம்பிரதாயமான வரவேற்புரையினை AHR என்று அழைக்கப்படும் எ எச் ராஜகோபாலாச்சாரி அவர்கள் வழங்கினார்.

அவரது வரவேற்புரையில் ஒவ்வொரு வாக்கியத்தை முடிக்கும் போதும் ’மிகையாகாது’, ’மிகையாகாது’ என முடித்திருந்தார்.

கமல் கையில் மைக் வந்தது. ”இப்பள்ளியில் எங்களை எல்லாம் அழைத்து வந்து நீங்கள் காட்டும் அன்புக்கு நன்றி மட்டும் சொன்னால் அது, (சற்றே நிறுத்தி வரவேற்புரை வழங்கியவரைப் பார்த்து) மிகையாகாது” என முடித்தார்.

”கூட்டத்தில் உட்கார இடம் இல்லாவிட்டாலும் கூட, இங்கே இவ்வளவு பேர் திரண்டு வந்திருக்கிறீர்கள் என்றால் அதன் காரணம் நீங்கள் எங்கள் மேல் காட்டும் பாசம், (சற்றே நிறுத்தி….) என்று மட்டும் சொன்னால் அது…., கூடியிருந்த மக்கள் ”மிகையாகாது” என முடித்தனர்.

அடெ… கூட்ட ஆரம்பத்தில் பேசியதை வைத்தே பேசி, நம்ம உலக நாயகன் கமல் அவர்கள் அசத்தித் தள்ளி விட்டாரே என்ற வியப்பு மேலிட்டது என்றால், அதுவும் மிகையாகாது.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s