ஆன்மீக இலக்கியப் பேச்சாளர் கவிஞர் சுமதிஸ்ரீ


வியப்பூட்டும் விஐபி – 43

அந்தமானில் நடைபெறவிருக்கும் ஒரு விழாவிற்கு ஆன்மீக இலக்கியப் பேச்சாளரும் கவிஞருமான திருமதி சுமதிஸ்ரீ அவர்களை அழைக்க நினைத்து தொடர்பு கொண்டோம். தனது சொந்தக் காரணங்களால் வர இயலாது எனத் தெரிவித்ததால், அவரால் அந்தமான் வர முடியாது போனது. முகம் பாரா அறிமுகம் முகநூலில் மேலும் தொடர்ந்தது.

சில நாட்களுக்குப்பின் அலுவல் வேலையாக தில்லியில் இருந்தேன். அப்போது ஒரு நண்பரிடமிருந்து தொலைபேசித் தகவல் வந்தது. ”உங்கள் பாமரன் பார்வையில் கம்பன் – நூலின் விமர்சனம் கலைஞர் செய்திகள் தொலைக்காட்சியில் வந்து கொண்டிருக்கிறது. பார்க்கவும்”

தில்லியில் இருந்ததால் அந்நிகழ்ச்சியைப் பார்க்க இயலவில்லை. கவிஞர் சுமதிஸ்ரீ அவர்களைத் தொடர்பு கொண்ட போது தான் சொன்னார்கள், ”உங்களுக்கு ஒரு இன்ப அதிர்ச்சி தரலாமென இப்படி”;

”… ஆமா கலைஞர் செய்திகள் தொலைக்காட்சியில், கம்பனா?” என் கேள்விக்கு பதிலாய், ”நூல் தேர்வு என் முடிவில் விட்டிருந்தார்கள்” என வந்தது.

பின்னர் அதன் பதிவினை யூ டியூபில் தான் பார்த்தேன்.
( https://youtu.be/Fe6vXqvczRA ) பாமரனை, பாமரன் அல்ல எனச் சொல்வதைக் கேட்கும் போது என்னவோ போல் இருந்தது.

அப்புத்தகம்தனைப் பிரசுரம் செய்த மணிமேகலைப் பிரசுரத்திடமும் இவ் விமர்சனைத்தைக் காட்டினேன். ”முகம்பாரா நட்பு” என்றேன். வியந்து போனார்கள். அவர்கள் மட்டுமல்ல; நானும் தான்.

சுமதிஸ்ரீ அவர்கள் ஓர் இலக்கிய ஆன்மீகப் பேச்சாளர்; 5 நூல்கள் எழுதியுள்ளார். இவரின் ஒரு நூலை ஆய்வு செய்து மூவர் முனைவர் பட்டம் பெற்றுள்ளனர். கூட்டம், சண்டமாருதம், வானவில் ஆகிய படங்களின் பாடல் எழுதியவர்; பல வெளிநாடுகளில் இலக்கிய ஆன்மீகக் கூட்டங்களில் பங்கு கொண்டுள்ளார்;

ஜாம்பியா,உகாண்டா ஆகிய ஆப்ரிக்க நாடுகளுக்கு சொற்பொழிவிற்காக அழைக்கப்பட்ட முதல் பெண் பேச்சாளர் என்ற பெருமைக்குரியவர் இவர்.

வட அமெரிக்க ஃபெட்னா விருது, வாசிங்டன் தமிழ்ச் சங்க விருது, கனடாவின் தமிழ்க் கலைவாணி & சிவத்தமிழ் சிரோன்மணி விருது, கனடா அரசாங்கத்தின் பாராட்டுப் பத்திரம், உ.வே.சாமிநாதர் விருது, நாவரசி, கவிதைச் சுடர்மணி, திருமுறைச் செம்மல் இன்னும் பல பாராட்டுக்களும் பெற்றவர்.

இவ்வளவு சிறப்புக்கும் சொந்தமானவர், எங்கோ ஒரு தீவில் இருந்து கம்பனை கலாய்த்து எழுதிய ஒரு நூலைப் படித்ததோடு மட்டுமல்லாமல், அதனை உலகெங்கும் கொண்டு சேரும்படி நல்ல முறையில் விமர்சனம் செய்த திருமதி சுமதிஸ்ரீ அவர்களது நற்பண்பு, வியப்பில் ஆழ்த்தியதில் வியப்பில்லை தானே!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s