வியப்பூட்டும் விஐபி – 31


இலக்கியச் சுடர் இராமலிங்கம்

ஒருமுறை காரைக்குடிக்கு கம்பன் விழாவில் கலந்து கொள்ளும் சந்தர்ப்பம் கிடைத்தது. அதில் வழக்கம் போல் ஓர் இலக்கியப் பட்டிமன்றம் இருந்தது. காரசாரமாய் விவாதம் ஓடியது. அதில் ஒரு பக்கம் பேசிய பேச்சாளர் தன் பேச்சு முடிந்தவுடன் நைஸாய் நழுவிச் சென்று விட்டார். விசாரித்ததிலும், அவர் பேசும் முறையிலும், அவர் ஒரு வழக்கறிஞர் என்பது தெளிவாயிற்று.

அடுத்த நாள், அதே வக்கீல் ஃபேஸ்புக்கிலும் இருப்பது தெரிந்தது. நட்புத்தூது கேட்டுவிட்டு, சுடச்சுட “இப்படி பாதியில் பட்டிமன்றத்தில் எழுந்து போனீர்களே, இது நடுவருக்கு அவமரியாதை செய்வதாய் ஆகாதா? நீதிமன்றத்தில் இப்படிச் செய்தால், நீதிபதி தப்பா நெனைக்க மாட்டாரா?” இப்படிக் கேட்டேன்.

பொறுப்பாய் பதில் வந்தது. ஏற்கனவே இப்படி விரைவில் செல்ல வேண்டி, கம்பன் கழகத்தாரிடம் அனுமதி பெற்றதும் தெரியத் தந்தார். (கம்பன் கழகமே அனுமதி தந்து விட்டது. நடுவில் நீ என்ன நாட்டாமெ? என்று மனதில் நினைத்திருப்பாரோ!!!).

அந்த பாதியில் போனவர், இவ்வளவு நல்ல மனுஷரா இருப்பார் என்பதை நான் கனவிலும் எதிர்பாக்கலை. 40 ஆண்டுகாலமாய் கம்பருடன் தொடர்பில் இருப்பவர்; 19 புத்தகங்கள் எழுதியவர்; சாம்பிளாக சில புத்தகங்கள் அனுப்பி வைத்தார். எவ்வளவு பெரிய மனிதர்!! அதுவும் பாரதிவிருது, பாரதி பணிச்செல்வர் விருது, கம்பர் சீர் பரவுவார் விருது, இலக்கியச்சுடர் என்று விருதுகளின் அணிவகுப்பே வைத்திருக்கும் அவர் தான் திருமிகு த இராமலிங்கம் அவர்கள்

.

என் நூலான ’பாமரன் பார்வையில் கம்பனை’ அனுப்பி வைத்தேன். பாண்டிச்சேரிக்கு வாங்களேன்… கம்பன் விழா இருக்கிறது. அழைத்தார். அத்தோடு நில்லாமல் பலருக்கு அறிமுகம் செய்ய, மேடை ஏற்ற, போக்குவரத்து என்று எல்லாத்துக்கும் என்மீது ஒரு கரிசனம் காட்டினார். (’இவரெப்பாத்து அப்படி ஒரு கேள்வி கேட்டோமே?’ என்று அரித்து எடுத்தது…)

தன்னைப் பார்த்து கோபம் வரும்படி கேள்வி கேட்ட இந்த இன்னா செய்தார்க்கு மேடை ஏற்றி, பலருக்கும் என்னை அறிமுகம் செய்து நன்னயம் செய்தது வியக்க வைக்கிறது.. அதைவிட நான் எழுதிவரும் கம்பன் தொடர்பான பதிவுகளில் வரும் செய்திகளை என் பெயரோடு. தன் மேடைப்பேச்சிலும் குறிப்பிடுவது தான் மேலும் வியப்பு.

ஒரு சாமானியன் பார்வையில் கம்பன் என்ற என் நூலுக்கு அணிந்துரை தந்து, அந்தமானுக்கே வந்து முழுநாள் நிகழ்விலும் மகிழ்வோடு கலந்துகொண்டு வியப்பிலும் ஆழ்த்தினார்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s