திருவாசக போஸ்ட்


நச்சுன்னு ஒரு வார்த்தை சொல்லும் யாருக்குமே, “ஒரு வாசகம்னாலும் திருவாசகம்” என்ற வாழத்து கிடைக்கும்.

எனக்கு பிடித்த (அல்லது தெரிந்த) திருவாசகப் பாடலினை சொல்லி திருவாசக போஸ்ட்டை நிறுத்தலாம்னு நினைக்கிறேன்..(சிலர் அப்பாடான்னு பெரு மூச்சு விடலாம்)

ராஜேஸ்குமார் மற்றும் சுஜாதா கதைகளில் “சிக்கென்று” தெரிந்த கதாநாயகிகள் பற்றி படித்திருப்பீர்கள்.

அந்த “சிக்கென” என்ற தொடர் திருவாசகதிலிருந்து சுட்டது தான்.

மாணிக்க வாசகர் இறைவனிடம் எப்படி அருள் வேண்டுகிறார் தெரியுமா??

கடவுள் எப்படியாம்???

தாய் தரும் பணிவு… அதுவும் தாய்ப்பால் ஊட்டும் போது குழந்தையிடம் காட்டும் பரிவு. அழுகினற குழந்தைக்குத்தான் பால் என்று இருக்கும் நவீன தாய் மாதிரி இல்லாமல், பசிக்குமே என்று நினைத்து குழந்தை மேல் காட்டுமே, அந்தப் பரிவை விட கொஞ்சம் (இல்லை..இல்லை..அதிகம்) அதிகமாய் பரிவு காட்டும் இறைவன்.

பாவியான தன்னுடைய உடலை உருகச் செய்து, உள்ளத்தில் ஒளியை பெருக்கி தேனைத்தருவாய்.

தேனுக்கு இரண்டு குணம் உண்டு. விருந்தும் உண்டு. மருந்தும் உண்டு.

சுடுநீரில் சாப்பிட்டால் உடல் குறையும் (உடல் குண்டானவர்கள் .. கவனிக்கவும்)
குளிர்ந்த நீரில் சாப்பிட்டால் உடல் பருமனாகலாம்.

கெடுதல் செய்யாத இன்பத்தைத் தரும் தேனாய் இருக்கிறானாம் இறைவன்..

அவன் (இறைவன்) தன்னைப் பற்றிக் கொண்டு திரிகிறானாம்… இதுஎப்படி சாத்தியம்???

அப்படியே தீபாவளி கூட்டத்தில் ரங்கநாதன் தெருவுக்குப் போங்க… உங்க குட்டிப் பையனோட…

“டேய்… கூட்டத்திலெ தொலைஞ்சி போயிடுவே…நல்லா புடிச்சிக்க”- ன்னு நீங்க பையன் கிட்ட சொல்றீங்க.

பையன் சொல்றான்…”லூசாப்பா நீ?? ஒன் கை ஒலைக்கை மாதிரி இருக்கு.. வேணும்னா..என் கையை நீ பிடிச்சிக்கப்பா…”

இப்பொ நீங்க இறைவன், பையன் மணிவாசகன்..

(உதாரண உதவி : சுகி சிவம்)

சரி தொடர்வோம்… எப்படித்தான் நீ புடிச்சாலும் உன் காலை நானும் விடாது சிக்கென்று பிடித்திருப்பேன்… எனக்கு அருள் தராமே, நீ எங்கே போயிடுவே ..ராசா..என் செல்வமே… சிவ பெருமானே….-ன்னு உருகும் பாடல் பிடித்த பத்தில் ஒன்று.

நோக்கியா போனில் இந்த வாஞ்சையுடன் பிடிக்கும் கரம் வரும்..இனி அந்த லோகோவை பார்த்தால் திருவாசகம் ஞாபகம் வரட்டும்.

விளக்கம் சொன்னது போதும், பாட்டை பாக்கலாமா..

பால்நினைந்து ஊட்டும் தாயினும் சாலப் பரிந்து நீ பாவியே னுடைய
ஊனினை உருக்கி உள்ளொளி பெருக்கி உலப்பிலா ஆனந்தமாய
தேனினைச் சொரிந்து புறம்புறம் திரிந்த செல்வமே! சிவபெருமானே!

யானுனைத் தொடர்ந்து சிக்கெனப் பிடித்தேன் எங்கெழுந்தருளுவது இனியே!

வேறு ஒரு நல்ல சிந்தனையுடன் மீண்டும் சந்திப்போம்.

2 thoughts on “திருவாசக போஸ்ட்

  1. சில பல நல்ல விஷயங்களைப் படித்தறிய நாங்கள் உங்களைச் சிக்கெனப் பிடித்தோம் !

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s